Tish'a b'Av

9th Av 5785

Tora reading

Morning: D'varim 4, 25-40. Afternoon: Sh'moth 32, 11-14; 34, 1-10

בשחרית


ד,כה	כִּֽי־תוֹלִ֤יד בָּנִים֙ וּבְנֵ֣י בָנִ֔ים וְנוֹשַׁנְתֶּ֖ם בָּאָ֑רֶץ
	וְהִשְׁחַתֶּ֗ם וַעֲשִׂ֤יתֶם פֶּ֙סֶל֙ תְּמ֣וּנַת כֹּ֔ל וַעֲשִׂיתֶ֥ם הָרַ֛ע בְּעֵינֵ֥י יְהֹוָה־אֱלֹהֶ֖יךָ לְהַכְעִיסֽוֹ׃
	אֲרֵי תֵילְדוּן בְּנִין וּבְנֵי בְנִין וְתִתְעַתְּקוּן בְּאַרְעָא
	וּתְחַבְּלוּן וְתַעְבְּדוּן צֵילֶם דְּמוּת כּוֹלָא וְתַעְבְּדוּן דְּבִישׁ קֳדָם יְיָ אֱלָהָךְ לְאַרְגָּזָא קֳדָמוֹהִי׃
ד,כו	הַעִידֹ֩תִי֩ בָכֶ֨ם הַיּ֜וֹם אֶת־הַשָּׁמַ֣יִם וְאֶת־הָאָ֗רֶץ כִּֽי־אָבֹ֣ד תֹּאבֵדוּן֮ מַהֵר֒
	מֵעַ֣ל הָאָ֔רֶץ אֲשֶׁ֨ר אַתֶּ֜ם עֹבְרִ֧ים אֶת־הַיַּרְדֵּ֛ן שָׁ֖מָּה לְרִשְׁתָּ֑הּ
	לֹֽא־תַאֲרִיכֻ֤ן יָמִים֙ עָלֶ֔יהָ כִּ֥י הִשָּׁמֵ֖ד תִּשָּׁמֵדֽוּן׃
	אַסְהֵידִית בְּכוֹן יוֹמָא דֵּין יָת שְׁמַיָּא וְיָת אַרְעָא אֲרֵי מֵיבָד תֵּיבְדוּן בִּפְרִיעַ מֵעַל אַרְעָא דְּאַתּוּן עָבְרִין יָת יַרְדְּנָא לְתַמָּן לְמֵירְתַהּ
	לָא תֵירְכוּן יוֹמִין עֲלַהּ אֲרֵי אִשְׁתֵּיצָאָה תִשְׁתֵּיצוֹן׃
ד,כז	וְהֵפִ֧יץ יְהֹוָ֛ה אֶתְכֶ֖ם בָּעַמִּ֑ים
	וְנִשְׁאַרְתֶּם֙ מְתֵ֣י מִסְפָּ֔ר בַּגּוֹיִ֕ם אֲשֶׁ֨ר יְנַהֵ֧ג יְהֹוָ֛ה אֶתְכֶ֖ם שָֽׁמָּה׃
	וִיבַדַּר יְיָ יָתְכוֹן בֵּינֵי עַמְמַיָּא
	וְתִשְׁתְּאַרוּן עַם דְּמִנְיָן בְּעַמְמַיָּא דִּידַבַּר יְיָ יָתְכוֹן לְתַמָּן׃
ד,כח	וַעֲבַדְתֶּם־שָׁ֣ם אֱלֹהִ֔ים מַעֲשֵׂ֖ה יְדֵ֣י אָדָ֑ם
	עֵ֣ץ וָאֶ֔בֶן אֲשֶׁ֤ר לֹֽא־יִרְאוּן֙ וְלֹ֣א יִשְׁמְע֔וּן וְלֹ֥א יֹֽאכְל֖וּן וְלֹ֥א יְרִיחֻֽן׃
	וְתִפְלְחוּן תַּמָּן לְעַמְמַיָּא פָלְחֵי טָעֲוָתָא עוֹבָד יְדֵי אֲנָשָׁא
	אָעָא וְאַבְנָא דְּלָא חָזַן וְלָא שָׁמְעִין וְלָא אָכְלִין וְלָא מְרִיחִין׃
ד,כט	וּבִקַּשְׁתֶּ֥ם מִשָּׁ֛ם אֶת־יְהֹוָ֥ה אֱלֹהֶ֖יךָ וּמָצָ֑אתָ
	כִּ֣י תִדְרְשֶׁ֔נּוּ בְּכׇל־לְבָבְךָ֖ וּבְכׇל־נַפְשֶֽׁךָ׃
	וְתִתְבְּעוּן מִתַּמָּן יָת דַּחְלְתָא דַּייָ אֱלָהָךְ וְתַשְׁכַּח
	אֲרֵי תִבְעֵי מִן קֳדָמוֹהִי בְּכָל לִבָּךְ וּבְכָל נַפְשָׁךְ׃
ד,ל	בַּצַּ֣ר לְךָ֔ וּמְצָא֕וּךָ כֹּ֖ל הַדְּבָרִ֣ים הָאֵ֑לֶּה
	בְּאַחֲרִית֙ הַיָּמִ֔ים וְשַׁבְתָּ֙ עַד־יְהֹוָ֣ה אֱלֹהֶ֔יךָ וְשָׁמַעְתָּ֖ בְּקֹלֽוֹ׃
	כַּד תֵּיעוֹק לָךְ וְיַשְׁכְּחוּנָּךְ כֹּל פִּתְגָמַיָּא הָאִלֵּין
	בְּסוֹף יוֹמַיָּא וּתְתוּב לְדַחְלְתָא דַּייָ אֱלָהָךְ וּתְקַבֵּיל לְמֵימְרֵיהּ׃
ד,לא	כִּ֣י אֵ֤ל רַחוּם֙ יְהֹוָ֣ה אֱלֹהֶ֔יךָ לֹ֥א יַרְפְּךָ֖ וְלֹ֣א יַשְׁחִיתֶ֑ךָ
	וְלֹ֤א יִשְׁכַּח֙ אֶת־בְּרִ֣ית אֲבֹתֶ֔יךָ אֲשֶׁ֥ר נִשְׁבַּ֖ע לָהֶֽם׃
	אֲרֵי אֱלָהָא רַחְמָנָא יְיָ אֱלָהָךְ לָא יִשְׁבְּקִנָּךְ וְלָא יְחַבְּלִנָּךְ
	וְלָא יִתְנְשֵׁי יָת קְיָמָא דַּאֲבָהָתָךְ דְּקַיֵּים לְהוֹן׃
ד,לב	כִּ֣י שְׁאַל־נָא֩ לְיָמִ֨ים רִֽאשֹׁנִ֜ים אֲשֶׁר־הָי֣וּ לְפָנֶ֗יךָ
	לְמִן־הַיּוֹם֙ אֲשֶׁר֩ בָּרָ֨א אֱלֹהִ֤ים ׀ אָדָם֙ עַל־הָאָ֔רֶץ וּלְמִקְצֵ֥ה הַשָּׁמַ֖יִם וְעַד־קְצֵ֣ה הַשָּׁמָ֑יִם
	הֲנִֽהְיָ֗ה כַּדָּבָ֤ר הַגָּדוֹל֙ הַזֶּ֔ה א֖וֹ הֲנִשְׁמַ֥ע כָּמֹֽהוּ׃
	אֲרֵי שְׁאַל כְּעַן לְיוֹמַיָּא קַדְמָאֵי דַּהֲווֹ קֳדָמָךְ לְמִן יוֹמָא דִּבְרָא יְיָ אָדָם עַל אַרְעָא וּלְמִסְּיָפֵי שְׁמַיָּא וְעַד סְיָפֵי שְׁמַיָּא
	הַהֲוָה כְּפִתְגָמָא רַבָּא הָדֵין אוֹ הֲאִשְׁתְּמַע דִּכְוָתֵיהּ׃
ד,לג	הֲשָׁ֣מַֽע עָם֩ ק֨וֹל אֱלֹהִ֜ים מְדַבֵּ֧ר מִתּוֹךְ־הָאֵ֛שׁ כַּאֲשֶׁר־שָׁמַ֥עְתָּ אַתָּ֖ה וַיֶּֽחִי׃
	הַשְׁמַע עַמָּא קָל מֵימְרָא דַּייָ מְמַלֵּיל מִגּוֹ אִישָׁתָא כְּמָא דִּשְׁמַעְתָּא אַתְּ וְאִתְקַיַּים׃
ד,לד	א֣וֹ׀ הֲנִסָּ֣ה אֱלֹהִ֗ים לָ֠ב֠וֹא לָקַ֨חַת ל֣וֹ גוֹי֮ מִקֶּ֣רֶב גּוֹי֒
	בְּמַסֹּת֩ בְּאֹתֹ֨ת וּבְמוֹפְתִ֜ים וּבְמִלְחָמָ֗ה וּבְיָ֤ד חֲזָקָה֙ וּבִזְר֣וֹעַ נְטוּיָ֔ה וּבְמוֹרָאִ֖ים גְּדֹלִ֑ים
	כְּ֠כֹ֠ל אֲשֶׁר־עָשָׂ֨ה לָכֶ֜ם יְהֹוָ֧ה אֱלֹהֵיכֶ֛ם בְּמִצְרַ֖יִם לְעֵינֶֽיךָ׃
	אוֹ נִסִּין עֲבַד יְיָ לְאִתְגְּלָאָה לְמִפְרַק לֵיהּ עַם מִגּוֹ עַם
	בְּנִסִּין בְּאָתִין וּבְמוֹפְתִין וּבִקְרָבָא וּבִיד תַּקִּיפָא וּבִדְרָעָא מְרָמְמָא וּבְחֶזְוָנִין רַבְרְבִין
	כְּכֹל דַּעֲבַד לְכוֹן יְיָ אֱלָהֲכוֹן בְּמִצְרַיִם לְעֵינֵיכוֹן׃
ד,לה	אַתָּה֙ הׇרְאֵ֣תָ לָדַ֔עַת כִּ֥י יְהֹוָ֖ה ה֣וּא הָאֱלֹהִ֑ים
	אֵ֥ין ע֖וֹד מִלְּבַדּֽוֹ׃
	אַתְּ אִתַּחְזִיתָא לְמִדַּע אֲרֵי יְיָ הוּא אֱלֹהִים
	לֵית עוֹד בָּר מִנֵּיהּ׃
ד,לו	מִן־הַשָּׁמַ֛יִם הִשְׁמִֽיעֲךָ֥ אֶת־קֹל֖וֹ לְיַסְּרֶ֑ךָּ
	וְעַל־הָאָ֗רֶץ הֶרְאֲךָ֙ אֶת־אִשּׁ֣וֹ הַגְּדוֹלָ֔ה וּדְבָרָ֥יו שָׁמַ֖עְתָּ מִתּ֥וֹךְ הָאֵֽשׁ׃
	מִן שְׁמַיּא אַשְׁמְעָךְ יָת קָל מֵימְרֵיהּ לְאַלָּפוּתָךְ
	וְעַל אַרְעָא אַחְזְיָךְ יָת אִישָׁתֵיהּ רַבְּתָא וּפִתְגָמוֹהִי שְׁמַעְתָּא מִגּוֹ אִישָׁתָא׃
ד,לז	וְתַ֗חַת כִּ֤י אָהַב֙ אֶת־אֲבֹתֶ֔יךָ וַיִּבְחַ֥ר בְּזַרְע֖וֹ אַחֲרָ֑יו
	וַיּוֹצִֽאֲךָ֧ בְּפָנָ֛יו בְּכֹח֥וֹ הַגָּדֹ֖ל מִמִּצְרָֽיִם׃
	וּחְלָף אֲרֵי רְחֵים יָת אֲבָהָתָךְ וְאִתְרְעִי בִּבְנֵיהוֹן בָּתְרֵיהוֹן
	וְאַפְּקָךְ בְּמֵימְרֵיהּ בְּחֵילֵיהּ רַבָּא מִמִּצְרָיִם׃
ד,לח	לְהוֹרִ֗ישׁ גּוֹיִ֛ם גְּדֹלִ֧ים וַעֲצֻמִ֛ים מִמְּךָ֖ מִפָּנֶ֑יךָ
	לַהֲבִֽיאֲךָ֗ לָֽתֶת־לְךָ֧ אֶת־אַרְצָ֛ם נַחֲלָ֖ה כַּיּ֥וֹם הַזֶּֽה׃
	לְתָרָכָא עַמְמִין רַבְרְבִין וְתַקִּיפִין מִנָּךְ מִן קֳדָמָךְ
	לְאַעָלוּתָךְ לְמִתַּן לָךְ יָת אֲרַעְהוֹן אַחְסָנָא כְּיוֹמָא הָדֵין׃
ד,לט	וְיָדַעְתָּ֣ הַיּ֗וֹם וַהֲשֵׁבֹתָ֮ אֶל־לְבָבֶ֒ךָ֒ כִּ֤י יְהֹוָה֙ ה֣וּא הָֽאֱלֹהִ֔ים בַּשָּׁמַ֣יִם מִמַּ֔עַל וְעַל־הָאָ֖רֶץ מִתָּ֑חַת
	אֵ֖ין עֽוֹד׃
	וְתִדַּע יוֹמָא דֵין וְתָתִיב לְלִבָּךְ אֲרֵי יְיָ הוּא אֱלֹהִים דִּשְׁכִינְתֵיהּ בִּשְׁמַיָּא מִלְּעֵילָא וְשַׁלִּיט עַל אַרְעָא מִלְּרַע
	לֵית עוֹד׃
ד,מ	וְשָׁמַרְתָּ֞ אֶת־חֻקָּ֣יו וְאֶת־מִצְוֺתָ֗יו אֲשֶׁ֨ר אָנֹכִ֤י מְצַוְּךָ֙ הַיּ֔וֹם אֲשֶׁר֙ יִיטַ֣ב לְךָ֔ וּלְבָנֶ֖יךָ אַחֲרֶ֑יךָ
	וּלְמַ֨עַן תַּאֲרִ֤יךְ יָמִים֙ עַל־הָ֣אֲדָמָ֔ה אֲשֶׁ֨ר יְהֹוָ֧ה אֱלֹהֶ֛יךָ נֹתֵ֥ן לְךָ֖ כׇּל־הַיָּמִֽים׃ {פ}
	וְתִטַּר יָת קְיָמוֹהִי וְיָת פִּקּוֹדוֹהִי דַּאֲנָא מְפַקֵּיד לָךְ יוֹמָא דֵין דְּיִיטַב לָךְ וְלִבְנָךְ בָּתְרָךְ
	וּבְדִיל דְּתוֹרֵיךְ יוֹמִין עַל אַרְעָא דַּייָ אֱלָהָךְ יָהֵיב לָךְ כָּל יוֹמַיָּא׃

במנחה


לב,יא	וַיְחַ֣ל מֹשֶׁ֔ה אֶת־פְּנֵ֖י יְהֹוָ֣ה אֱלֹהָ֑יו
	וַיֹּ֗אמֶר לָמָ֤ה יְהֹוָה֙ יֶחֱרֶ֤ה אַפְּךָ֙ בְּעַמֶּ֔ךָ אֲשֶׁ֤ר הוֹצֵ֙אתָ֙ מֵאֶ֣רֶץ מִצְרַ֔יִם בְּכֹ֥חַ גָּד֖וֹל וּבְיָ֥ד חֲזָקָֽה׃
	וְצַלִּי מֹשֶׁה קֳדָם יְיָ אֱלָהֵיהּ
	וַאֲמַר לְמָא יְיָ יִתְקַף רוּגְזָךְ בְּעַמָּךְ דְּאַפֵּיקְתָּא מֵאַרְעָא דְּמִצְרַיִם בְּחֵיל רַב וּבְיַד תַּקִּיפָא׃
לב,יב	לָ֩מָּה֩ יֹאמְר֨וּ מִצְרַ֜יִם לֵאמֹ֗ר בְּרָעָ֤ה הֽוֹצִיאָם֙ לַהֲרֹ֤ג אֹתָם֙ בֶּֽהָרִ֔ים וּ֨לְכַלֹּתָ֔ם מֵעַ֖ל פְּנֵ֣י הָֽאֲדָמָ֑ה
	שׁ֚וּב מֵחֲר֣וֹן אַפֶּ֔ךָ וְהִנָּחֵ֥ם עַל־הָרָעָ֖ה לְעַמֶּֽךָ׃
	לְמָא יֵימְרוּן מִצְרָאֵי לְמֵימַר בְּבִישָׁא אַפֵּיקִנּוּן לְקַטָּלָא יָתְהוֹן בֵּינֵי טוּרַיָּא וּלְשֵׁיצָיוּתְהוֹן מֵעַל אַפֵּי אַרְעָא
	תּוּב מִתְּקוֹף רוּגְזָךְ וַאֲתֵיב מִן בִּשְׁתָּא דְּמַלֵּילְתָּא לְמֶעֱבַד לְעַמָּךְ׃
לב,יג	זְכֹ֡ר לְאַבְרָהָם֩ לְיִצְחָ֨ק וּלְיִשְׂרָאֵ֜ל עֲבָדֶ֗יךָ אֲשֶׁ֨ר נִשְׁבַּ֣עְתָּ לָהֶם֮
	בָּךְ֒ וַתְּדַבֵּ֣ר אֲלֵהֶ֔ם אַרְבֶּה֙ אֶֽת־זַרְעֲכֶ֔ם כְּכוֹכְבֵ֖י הַשָּׁמָ֑יִם
	וְכׇל־הָאָ֨רֶץ הַזֹּ֜את אֲשֶׁ֣ר אָמַ֗רְתִּי אֶתֵּן֙ לְזַרְעֲכֶ֔ם וְנָחֲל֖וּ לְעֹלָֽם׃
	אִדְּכַר לְאַבְרָהָם לְיִצְחָק וּלְיִשְׂרָאֵל עַבְדָךְ דְּקַיֵּימְתָּא לְהוֹן בְּמֵימְרָךְ וּמַלֵּילְתָּא עִמְּהוֹן אַסְגֵּי יָת בְּנֵיכוֹן כְּכוֹכְבֵי שְׁמַיָּא
	וְכָל אַרְעָא הָדָא דַּאֲמַרִית אֶתֵּין לִבְנֵיכוֹן וְיַחְסְנוּן לְעָלַם׃
לב,יד	וַיִּנָּ֖חֶם יְהֹוָ֑ה
	עַל־הָ֣רָעָ֔ה אֲשֶׁ֥ר דִּבֶּ֖ר לַעֲשׂ֥וֹת לְעַמּֽוֹ׃ {פ}
	וְתָב יְיָ
	מִן בִּשְׁתָּא דְּמַלֵּיל לְמֶעֱבַד לְעַמֵּיהּ׃


לד,א	וַיֹּ֤אמֶר יְהֹוָה֙ אֶל־מֹשֶׁ֔ה פְּסׇל־לְךָ֛ שְׁנֵֽי־לֻחֹ֥ת אֲבָנִ֖ים כָּרִאשֹׁנִ֑ים
	וְכָתַבְתִּי֙ עַל־הַלֻּחֹ֔ת אֶ֨ת־הַדְּבָרִ֔ים אֲשֶׁ֥ר הָי֛וּ עַל־הַלֻּחֹ֥ת הָרִאשֹׁנִ֖ים אֲשֶׁ֥ר שִׁבַּֽרְתָּ׃
	וַאֲמַר יְיָ לְמֹשֶׁה פְּסָל לָךְ תְּרֵין לוּחֵי אַבְנַיָּא כְּקַדְמָאֵי
	וְאֶכְתּוֹב עַל לוּחַיָּא יָת פִּתְגָמַיָּא דַּהֲווֹ עַל לוּחַיָּא קַדְמָאֵי דְּתַבַּרְתָּא׃
לד,ב	וֶהְיֵ֥ה נָכ֖וֹן לַבֹּ֑קֶר
	וְעָלִ֤יתָ בַבֹּ֙קֶר֙ אֶל־הַ֣ר סִינַ֔י וְנִצַּבְתָּ֥ לִ֛י שָׁ֖ם עַל־רֹ֥אשׁ הָהָֽר׃
	וִהְוִי זְמִין לְצַפְרָא
	וְתִסַּק בְּצַפְרָא לְטוּרָא דְּסִינַי וְתִתְעַתַּד קֳדָמַי תַּמָּן עַל רֵישׁ טוּרָא׃
לד,ג	וְאִישׁ֙ לֹֽא־יַעֲלֶ֣ה עִמָּ֔ךְ וְגַם־אִ֥ישׁ אַל־יֵרָ֖א בְּכׇל־הָהָ֑ר
	גַּם־הַצֹּ֤אן וְהַבָּקָר֙ אַל־יִרְע֔וּ אֶל־מ֖וּל הָהָ֥ר הַהֽוּא׃
	וַאֲנָשׁ לָא יִסַּק עִמָּךְ וְאַף אֶנָשׁ לָא יִתַּחְזֵי בְּכָל טוּרָא
	אַף עָנָא וְתוֹרֵי לָא יִרְעוֹן לָקֳבֵיל טוּרָא הַהוּא׃
לד,ד	וַיִּפְסֹ֡ל שְׁנֵֽי־לֻחֹ֨ת אֲבָנִ֜ים כָּרִאשֹׁנִ֗ים וַיַּשְׁכֵּ֨ם מֹשֶׁ֤ה בַבֹּ֙קֶר֙ וַיַּ֙עַל֙ אֶל־הַ֣ר סִינַ֔י כַּאֲשֶׁ֛ר צִוָּ֥ה יְהֹוָ֖ה אֹת֑וֹ
	וַיִּקַּ֣ח בְּיָד֔וֹ שְׁנֵ֖י לֻחֹ֥ת אֲבָנִֽים׃
	וּפְסַל תְּרֵין לוּחֵי אַבְנַיָּא כְּקַדְמָאֵי וְאַקְדֵּים מֹשֶׁה בְּצַפְרָא וּסְלֵיק לְטוּרָא דְּסִינַי כְּמָא דְּפַקֵּיד יְיָ יָתֵיהּ
	וּנְסֵיב בִּידֵיהּ תְּרֵין לוּחֵי אַבְנַיָּא׃
לד,ה	וַיֵּ֤רֶד יְהֹוָה֙ בֶּֽעָנָ֔ן וַיִּתְיַצֵּ֥ב עִמּ֖וֹ שָׁ֑ם
	וַיִּקְרָ֥א בְשֵׁ֖ם יְהֹוָֽה׃
	וְאִתְגְּלִי יְיָ בַּעֲנָנָא וְאִתְעַתַּד עִמֵּיהּ תַּמָּן
	וּקְרָא בִשְׁמָא דַּייָ׃
לד,ו	וַיַּעֲבֹ֨ר יְהֹוָ֥ה ׀ עַל־פָּנָיו֮ וַיִּקְרָא֒ יְהֹוָ֣ה ׀ יְהֹוָ֔ה אֵ֥ל רַח֖וּם וְחַנּ֑וּן
	אֶ֥רֶךְ אַפַּ֖יִם וְרַב־חֶ֥סֶד וֶאֱמֶֽת׃
	וְאַעְבַּר יְיָ שְׁכִינְתֵיהּ עַל אַפּוֹהִי וּקְרָא יְיָ יְיָ אֱלָהָא רַחְמָנָא וְחַנָּנָא
	מַרְחֵיק רְגַז וּמַסְגֵּי לְמֶעֱבַד טָבְוָן וּקְשׁוֹט׃
לד,ז	נֹצֵ֥ר חֶ֙סֶד֙ לָאֲלָפִ֔ים נֹשֵׂ֥א עָוֺ֛ן וָפֶ֖שַׁע וְחַטָּאָ֑ה
	וְנַקֵּה֙ לֹ֣א יְנַקֶּ֔ה פֹּקֵ֣ד׀ עֲוֺ֣ן אָב֗וֹת עַל־בָּנִים֙ וְעַל־בְּנֵ֣י בָנִ֔ים עַל־שִׁלֵּשִׁ֖ים וְעַל־רִבֵּעִֽים׃
	נָטֵיר טִיבוּ לְאַלְפֵי דָרִין שָׁבֵיק לַעֲוָיָן וְלִמְרוֹד וּלְחוֹבִין
	סָלַח לִדְתָּיְבִין לְאוֹרָיְתֵיהּ וְלִדְלָא תָּיְבִין לָא מְזַכֵּי
	מַסְעַר חוֹבֵי אֲבָהָן עַל בְּנִין וְעַל בְּנֵי בְנִין מָרָדִין עַל דָּר תְּלִיתַאי וְעַל דָּר רְבִיעָאי׃
לד,ח	וַיְמַהֵ֖ר מֹשֶׁ֑ה
	וַיִּקֹּ֥ד אַ֖רְצָה וַיִּשְׁתָּֽחוּ׃
	וְאוֹחִי מֹשֶׁה
	וּכְרַע עַל אַרְעָא וּסְגֵיד׃
לד,ט	וַיֹּ֡אמֶר אִם־נָא֩ מָצָ֨אתִי חֵ֤ן בְּעֵינֶ֙יךָ֙ אֲדֹנָ֔י יֵֽלֶךְ־נָ֥א אֲדֹנָ֖י בְּקִרְבֵּ֑נוּ
	כִּ֤י עַם־קְשֵׁה־עֹ֙רֶף֙ ה֔וּא וְסָלַחְתָּ֛ לַעֲוֺנֵ֥נוּ וּלְחַטָּאתֵ֖נוּ וּנְחַלְתָּֽנוּ׃
	וַאֲמַר אִם כְּעַן אַשְׁכַּחִית רַחֲמִין קֳדָמָךְ יְיָ תְּהָךְ כְּעַן שְׁכִינְתָא דַּייָ בֵּינַנָא
	אֲרֵי עַם קְשֵׁי קְדָל הוּא וְתִשְׁבּוֹק לְחוֹבַנָא וְלִחְטָאַנָא וְתַחְסְנִנַּנָא׃
לד,י	וַיֹּ֗אמֶר הִנֵּ֣ה אָנֹכִי֮ כֹּרֵ֣ת בְּרִית֒ נֶ֤גֶד כׇּֽל־עַמְּךָ֙ אֶעֱשֶׂ֣ה נִפְלָאֹ֔ת אֲשֶׁ֛ר לֹֽא־נִבְרְא֥וּ בְכׇל־הָאָ֖רֶץ וּבְכׇל־הַגּוֹיִ֑ם
	וְרָאָ֣ה כׇל־הָ֠עָ֠ם אֲשֶׁר־אַתָּ֨ה בְקִרְבּ֜וֹ אֶת־מַעֲשֵׂ֤ה יְהֹוָה֙ כִּֽי־נוֹרָ֣א ה֔וּא אֲשֶׁ֥ר אֲנִ֖י עֹשֶׂ֥ה עִמָּֽךְ׃
	וַאֲמַר הָא אֲנָא גָּזַר קְיָם קֳדָם כָּל עַמָּךְ אַעֲבֵיד פְּרִישָׁן דְּלָא אִתְבְּרִיאוּ בְּכָל אַרְעָא וּבְכָל עַמְמַיָּא
	וְיִחְזֵי כָל עַמָּא דְּאַתְּ בֵּינֵיהוֹן יָת עוּבָדָא דַּייָ אֲרֵי דְּחִיל הוּא דַּאֲנָא עָבֵיד עִמָּךְ׃

Haftara reading

Morning: Yirmiyahu 6, 16-17; 8, 13 - 9, 23. Afternoon: Hoshe'a 14, 2-10

Download PDF

בשחרית


ו,טז	כֹּ֣ה אָמַ֣ר יְהֹוָ֡ה
	עִמְדוּ֩ עַל־דְּרָכִ֨ים וּרְא֜וּ וְשַׁאֲל֣וּ׀ לִנְתִב֣וֹת עוֹלָ֗ם אֵי־זֶ֨ה דֶ֤רֶךְ הַטּוֹב֙ וּלְכוּ־בָ֔הּ וּמִצְא֥וּ מַרְגּ֖וֹעַ לְנַפְשְׁכֶ֑ם
	וַיֹּאמְר֖וּ לֹ֥א נֵלֵֽךְ׃
	כִּדנָן אֲמַר יְיָ קוּמוּ עַל אוֹרחָן וַחֲזוֹ וְשַׁאִילוּ לִשׁבִילִין דְּמִן עָלְמָא בְּאֵידָא אוֹרחָא דְּתָקְנָא וְהַלִיכוּ בַהּ וְאַשׁכַּחוּ נְיָח לְנַפשְׁכוֹן
	וַאֲמַרוּ לָא נֵיזֵיל:
ו,יז	וַהֲקִמֹתִ֤י עֲלֵיכֶם֙ צֹפִ֔ים הַקְשִׁ֖יבוּ לְק֣וֹל שׁוֹפָ֑ר
	וַיֹּאמְר֖וּ לֹ֥א נַקְשִֽׁיב׃
	וַאֲקֵימִית עֲלֵיכוֹן מַלְפִין קַבִּילוּ לְמִלֵי נְבִיַיָא
	וַאֲמַרוּ לָא נְקַבֵּיל:


ח,יג	אָסֹ֥ף אֲסִיפֵ֖ם נְאֻם־יְהֹוָ֑ה
	אֵין֩ עֲנָבִ֨ים בַּגֶּ֜פֶן וְאֵ֧ין תְּאֵנִ֣ים בַּתְּאֵנָ֗ה וְהֶעָלֶה֙ נָבֵ֔ל וָאֶתֵּ֥ן לָהֶ֖ם יַעַבְרֽוּם׃
	שֵׁיצָאָה אֲשֵׁיצֵינוּן אֲמַר יְיָ
	וִיסוּפוּן כִּמסָף עִנבִּין מִגְּפַן וּכנָבְלָא מִתֵּינָא וּכִטרַף מֵאִילָן עַל דִּיהַבִית לְהוֹן אוֹרָיתִי מִסִינַי וַעֲבַרוּ עֲלַהּ:
ח,יד	עַל־מָה֙ אֲנַ֣חְנוּ יֹֽשְׁבִ֔ים הֵאָסְפ֗וּ וְנָב֛וֹא אֶל־עָרֵ֥י הַמִּבְצָ֖ר וְנִדְּמָה־שָּׁ֑ם
	כִּי֩ יְהֹוָ֨ה אֱלֹהֵ֤ינוּ הֲדִמָּ֙נוּ֙ וַיַּשְׁקֵ֣נוּ מֵי־רֹ֔אשׁ כִּ֥י חָטָ֖אנוּ לַיהֹוָֽה׃
	עַל מָה אֲנַחנָא יָתְבִין אִתכַּנַשׁוּ וְנֵיעוֹל לְקִרוִין כְּרִיכָן וְנִשׁתּוֹק תַּמָן
	אֲרֵי יְיָ אֱלָהַנָא אַיתִי עֲלַנָא תְבָר וְאַבהֲתַנָא וְאַשׁקְיַנָא כָס דִּלוָט בִּישׁ כְּרֵישֵׁי חִוִין אֲרֵי חַבנָא קֳדָם יְיָ:
ח,טו	קַוֵּ֥ה לְשָׁל֖וֹם וְאֵ֣ין ט֑וֹב
	לְעֵ֥ת מַרְפֵּ֖ה וְהִנֵּ֥ה בְעָתָֽה׃
	סַבַּרנָא לִשׁלָם וְלֵית טָב
	לְעִדָּן סְלִיחוּת חוֹבִין וְהָא פוֹרעָנוּת חֲטָאִין:
ח,טז	מִדָּ֤ן נִשְׁמַע֙ נַחְרַ֣ת סוּסָ֔יו מִקּוֹל֙ מִצְהֲל֣וֹת אַבִּירָ֔יו רָעֲשָׁ֖ה כׇּל־הָאָ֑רֶץ
	וַיָּב֗וֹאוּ וַיֹּֽאכְלוּ֙ אֶ֣רֶץ וּמְלוֹאָ֔הּ עִ֖יר וְיֹ֥שְׁבֵי בָֽהּ׃ {פ}
	עַל דִּפלַחוּ לְעִגלַיָא דִבדָן מֶלֶך בְּמַשׁרְיָתֵיהּ יִסַק עֲלֵיהוֹן וְיַגלֵי יָתְהוֹן מִקָל מַפסוֹעִית גִּבָּרוֹהִי יְזוּעוּן כָּל יָתְבֵי אַרעָא
	וְיֵיתוֹן וְיִבְּזוּן אַרעָא וּמלָאַהּ קִרוַיָא וּדיָתְבִין בְּהוֹן:
ח,יז	כִּי֩ הִנְנִ֨י מְשַׁלֵּ֜חַ בָּכֶ֗ם נְחָשִׁים֙ צִפְעֹנִ֔ים אֲשֶׁ֥ר אֵין־לָהֶ֖ם לָ֑חַשׁ
	וְנִשְּׁכ֥וּ אֶתְכֶ֖ם נְאֻם־יְהֹוָֽה׃ {ס}
	אֲרֵי הָא אֲנָא מְגָרֵי בְּכוֹן עַמְמִין קָטוֹלִין כְּחִיוָוָן חֻרמָנִין דְּלֵית לְהוֹן לִחשָׁא
	וִיקַטְלוּן יָתכוֹן אֲמַר יְיָ:
ח,יח	מַבְלִ֥יגִיתִ֖י עֲלֵ֣י יָג֑וֹן
	עָלַ֖י לִבִּ֥י דַוָּֽי׃
	עַל דַּהֲווֹ מְלַעֲגִין לָקֳבֵיל נְבִיַיָא דְּמִתנַבַּן לְהוֹן דָּווֹנָא וְתִינַחתָּא אַיתִי לְהוֹן מִן קֳדָם חוֹבֵיהוֹן
	עֲלֵיהוֹן אֲמַר נְבִיָא לִבִּי דָוֵי:
ח,יט	הִנֵּה־ק֞וֹל שַֽׁוְעַ֣ת בַּת־עַמִּ֗י מֵאֶ֙רֶץ֙ מַרְחַקִּ֔ים הַֽיהֹוָה֙ אֵ֣ין בְּצִיּ֔וֹן אִם־מַלְכָּ֖הּ אֵ֣ין בָּ֑הּ
	מַדּ֗וּעַ הִכְעִס֛וּנִי בִּפְסִלֵיהֶ֖ם בְּהַבְלֵ֥י נֵכָֽר׃
	הָא קָל צִוחַת כְּנִשׁתָּא דְעַמִי מֵאֲרַע רַחִיקָא נְבִיָא אוֹכַח יָתְהוֹן הַשְׁכִינְתָא דַייָ לֵית בְּצִיוֹן אִם מַלכַּהּ לֵית בַּהּ
	מָדֵין מַרגְּזִין קֳדָמַי בְּצַלמָנֵיהוֹן בְּפֻלחַן טָעֲוָתָא:
ח,כ	עָבַ֥ר קָצִ֖יר כָּ֣לָה קָ֑יִץ
	וַאֲנַ֖חְנוּ ל֥וֹא נוֹשָֽׁעְנוּ׃
	אֲמַרַת כְּנִשׁתָּא דְיִשׂרָאֵל עֲדָא זִמנָא שְׁלִים קִצָא
	וַאֲנַחנָא לָא מִתפַּרקִין:
ח,כא	עַל־שֶׁ֥בֶר בַּת־עַמִּ֖י הׇשְׁבָּ֑רְתִּי
	קָדַ֕רְתִּי שַׁמָּ֖ה הֶחֱזִקָֽתְנִי׃
	אֲמַרַת יְרוּשׁלֶם עַל תְּבָר כְּנִשׁתָּא דְעַמִי אִזדַּעזַעִית
	אִתחֲפִיאוּ אַפַּי אִכְּרוּם אוּכָּמִין כְּקִדרָא אִשׁתְּמָמוּ אֲחַדַתנִי:
ח,כב	הַצֳּרִי֙ אֵ֣ין בְּגִלְעָ֔ד אִם־רֹפֵ֖א אֵ֣ין שָׁ֑ם
	כִּ֗י מַדּ֙וּעַ֙ לֹ֣א עָֽלְתָ֔ה אֲרֻכַ֖ת בַּת־עַמִּֽי׃ {ס}
	אֲמַר יִרמְיָה נְבִיָא דִּלמָא לָא אִית לִי עוּבָדִין טָבִין לְמִבעֵי עַל בֵּית יִשׂרָאֵל
	הֲלָא מְחַמֵיד הֲוֵיתִי לְאֻלפָנֵיהּ דְּאֵלִיָה נְבִיָא דְּמִגִּלעָד דְּפִתגָמוֹהִי אִנוּן אָסוּתָא
	אֲרֵי עַל דְּלָא תָבוּ בְּכֵין לָא סְלֵיקַת אָסוּ לְמַחַת כְּנִשׁתָּא דְעַמִי:
ח,כג	מִֽי־יִתֵּ֤ן רֹאשִׁי֙ מַ֔יִם וְעֵינִ֖י מְק֣וֹר דִּמְעָ֑ה
	וְאֶבְכֶּה֙ יוֹמָ֣ם וָלַ֔יְלָה אֵ֖ת חַֽלְלֵ֥י בַת־עַמִּֽי׃ {ס}
	מַן יִתֵּין רֵישִׁי כִּנחַל דְּמַיִין וְעֵינַי כְּמַבּוּעַ דָּמְעָן
	וְאֶבכֵּי יֵימָם וְלֵילֵי עַל קְטִילֵי כְּנִשׁתָּא דְעַמִי:
ט,א	מִֽי־יִתְּנֵ֣נִי בַמִּדְבָּ֗ר מְלוֹן֙ אֹֽרְחִ֔ים וְאֶֽעֶזְבָה֙ אֶת־עַמִּ֔י וְאֵלְכָ֖ה מֵאִתָּ֑ם
	כִּ֤י כֻלָּם֙ מְנָ֣אֲפִ֔ים עֲצֶ֖רֶת בֹּגְדִֽים׃
	מַן יִתְּנִינַנִי בְמַדבְּרָא בֵּית מְבָתוּת עָדֵי אוֹרחָן וְאֶשׁבּוֹק יָת כְּנִשׁתָּא דְעַמִי וֶאֱהָך מִלְוָתְהוֹן
	אֲרֵי כֻלְהוֹן זַנָאִין סִיעַת שַׁקָרִין:
ט,ב	וַֽיַּדְרְכ֤וּ אֶת־לְשׁוֹנָם֙ קַשְׁתָּ֣ם שֶׁ֔קֶר וְלֹ֥א לֶאֱמוּנָ֖ה גָּבְר֣וּ בָאָ֑רֶץ
	כִּי֩ מֵרָעָ֨ה אֶל־רָעָ֧ה ׀ יָצָ֛אוּ וְאֹתִ֥י לֹא־יָדָ֖עוּ נְאֻם־יְהֹוָֽה׃
	וְאַלִיפוּ יָת לִישָׁנְהוֹן פִּתגָמֵי שְׁקַר דָּמַן אִנוּן כְּקֶשֶׁת נְכִילָא וְלָא לְהֵימָנוּתָא תְּקִיפוּ בְאַרעָא
	אֲרֵי מִבִּשׁתָּא לְבִשׁתָּא נְפַקוּ וּמַדַּע דַּחלְתִי לָא אֵילַפוּ אֲמַר יְיָ:
ט,ג	אִ֤ישׁ מֵרֵעֵ֙הוּ֙ הִשָּׁמֵ֔רוּ וְעַל־כׇּל־אָ֖ח אַל־תִּבְטָ֑חוּ
	כִּ֤י כׇל־אָח֙ עָק֣וֹב יַעְקֹ֔ב וְכׇל־רֵ֖עַ רָכִ֥יל יַהֲלֹֽךְ׃
	גְּבַר מֵחַברֵיהּ אִסתְּמַרוּ וְעַל כָּל אֲחָא לָא תִתרַחצוּן
	אֲרֵי כָל אֲחָא מִכמָן כָּמֵין וְכָל רָחֵים בִּנכִילוּ מְהַלֵך:
ט,ד	וְאִ֤ישׁ בְּרֵעֵ֙הוּ֙ יְהָתֵ֔לּוּ וֶאֱמֶ֖ת לֹ֣א יְדַבֵּ֑רוּ
	לִמְּד֧וּ לְשׁוֹנָ֛ם דַּבֶּר־שֶׁ֖קֶר הַעֲוֵ֥ה נִלְאֽוּ׃
	וּגבַר בְּחַברֵיהּ מְשַׁקְרִין וְקֻשׁטָא לָא מְמַלְלִין
	אַלִיפוּ לִישָׁנְהוֹן פִּתגָמֵי שְׁקַר אִטְפַשׁוּ טְעוֹ:
ט,ה	שִׁבְתְּךָ֖ בְּת֣וֹךְ מִרְמָ֑ה
	בְּמִרְמָ֛ה מֵאֲנ֥וּ דַעַת־אוֹתִ֖י נְאֻם־יְהֹוָֽה׃ {ס}
	יָתְבִין בְּבָתֵּי כְּנֵישָׁתְהוֹן וּמִשׁתַּעַן עַל עֲוָיָתְהוֹן
	בְּנִכלִין מְסָרְבִין לְמִדַּע דַּחלְתִי אֲמַר יְיָ:
ט,ו	לָכֵ֗ן כֹּ֤ה אָמַר֙ יְהֹוָ֣ה צְבָא֔וֹת הִנְנִ֥י צוֹרְפָ֖ם וּבְחַנְתִּ֑ים
	כִּי־אֵ֣יךְ אֶֽעֱשֶׂ֔ה מִפְּנֵ֖י בַּת־עַמִּֽי׃
	בְּכֵין כִּדנָן אֲמַר יְיָ צְבָאוֹת הָאֲנָא מֵיתֵי עֲלֵיהוֹן עָקָא וְצָרֵיף לְהוֹן וּבָחַר לְהוֹן
	אֲרֵי אֵיכְדֵין אַעֲבֵיד מִן קֳדָם חוֹבֵי כְנִשׁתָּא דְעַמִי:
ט,ז	חֵ֥ץ שָׁח֛וּט (שוחט) לְשׁוֹנָ֖ם מִרְמָ֣ה דִבֵּ֑ר
	בְּפִ֗יו שָׁל֤וֹם אֶת־רֵעֵ֙הוּ֙ יְדַבֵּ֔ר וּבְקִרְבּ֖וֹ יָשִׂ֥ים אׇרְבּֽוֹ׃
	כְּגִיר דִּמחָרַף לִישָׁנְהוֹן נִכלִין מְחַשֵׁיב
	בְּפוּמְהוֹן שְׁלָמָא גְבַר עִם חַברֵיהּ מְמַלְלִין וּבִמעוֹהִי מְשַׁוֵי כָמֵנתֵּיהּ:
ט,ח	הַעַל־אֵ֥לֶּה לֹא־אֶפְקׇד־בָּ֖ם נְאֻם־יְהֹוָ֑ה
	אִ֚ם בְּג֣וֹי אֲשֶׁר־כָּזֶ֔ה לֹ֥א תִתְנַקֵּ֖ם נַפְשִֽׁי׃ {ס}
	הַעַל אִלֵין לָא אַסעַר לְאֵיתָאָה בִישָׁא אֲמַר יְיָ
	אִם מִן עַמָא דִכדֵין עוֹבָדוֹהִי לָא אֶתפְּרַע מִנְהוֹן כִּרעוּתִי:
ט,ט	עַל־הֶ֨הָרִ֜ים אֶשָּׂ֧א בְכִ֣י וָנֶ֗הִי וְעַל־נְא֤וֹת מִדְבָּר֙ קִינָ֔ה כִּ֤י נִצְּתוּ֙ מִבְּלִי־אִ֣ישׁ עֹבֵ֔ר וְלֹ֥א שָׁמְע֖וּ ק֣וֹל מִקְנֶ֑ה
	מֵע֤וֹף הַשָּׁמַ֙יִם֙ וְעַד־בְּהֵמָ֔ה נָדְד֖וּ הָלָֽכוּ׃
	עַל טוּרַיָא אֲנָא מְרִים קָלִי בָּכֵי וּמַצוַח וְעַל דֵּירָוָת מַדבְּרָא אִליָא
	אֲרֵי צַדִּיאוּ מִבְּלִי אֱנָשׁ דְּעָדֵי וְלָא אִשׁתְּמַע קָל בְּעִירָא בַאֲרַעהוֹן
	מֵעוֹפָא דִשׁמַיָא וְעַד בְּעִירָא אִטַלטַלוּ גְּלוֹ:
ט,י	וְנָתַתִּ֧י אֶת־יְרוּשָׁלַ֛͏ִם לְגַלִּ֖ים מְע֣וֹן תַּנִּ֑ים
	וְאֶת־עָרֵ֧י יְהוּדָ֛ה אֶתֵּ֥ן שְׁמָמָ֖ה מִבְּלִ֥י יוֹשֵֽׁב׃ {ס}
	וְאֶתֵּין יָת יְרוּשׁלֶם לְיַגרִין מְדוֹר יָרוּרִין
	וְיָת קִרוַיָא דְבֵית יְהוּדָה אֶתֵּין לְצָדוּ מִבְּלִי יָתִיב:
ט,יא	מִֽי־הָאִ֤ישׁ הֶחָכָם֙ וְיָבֵ֣ן אֶת־זֹ֔את וַאֲשֶׁ֨ר דִּבֶּ֧ר פִּֽי־יְהֹוָ֛ה אֵלָ֖יו וְיַגִּדָ֑הּ
	עַל־מָה֙ אָבְדָ֣ה הָאָ֔רֶץ נִצְּתָ֥ה כַמִּדְבָּ֖ר מִבְּלִ֥י עֹבֵֽר׃ {ס}
	מַן גְּבַר דְּחַכִּים וְיַסבַּר יָת דָּא וּדאִתמַלַל מִן קֳדָם יְיָ עִמֵיהּ וִיחַוֵינַהּ
	עַל מָא חֲרוֹבַת אַרעָא צַדִּיאַת כְּמַדבְּרָא מִבְּלִי עָדֵי:
ט,יב	וַיֹּ֣אמֶר יְהֹוָ֔ה עַל־עׇזְבָם֙ אֶת־תּ֣וֹרָתִ֔י אֲשֶׁ֥ר נָתַ֖תִּי לִפְנֵיהֶ֑ם
	וְלֹא־שָׁמְע֥וּ בְקוֹלִ֖י וְלֹא־הָ֥לְכוּ בָֽהּ׃
	וַאֲמַר יְיָ עַל דִּשׁבַקוּ יָת אוֹרָיתִי דִּיהַבִית קֳדָמֵיהוֹן
	וְלָא קַבִּילוּ לְמֵימְרִי וְלָא הַלִיכוּ בַהּ:
ט,יג	וַיֵּ֣לְכ֔וּ אַחֲרֵ֖י שְׁרִר֣וּת לִבָּ֑ם
	וְאַֽחֲרֵי֙ הַבְּעָלִ֔ים אֲשֶׁ֥ר לִמְּד֖וּם אֲבוֹתָֽם׃ {פ}
	וַאֲזַלוּ בָּתַר הַרהוּר לִבְּהוֹן
	וּבָתַר בְּעָלַיָא דְּאַלִיפוּנוּן אֲבָהָתְהוֹן:
ט,יד	לָכֵ֗ן כֹּה־אָמַ֞ר יְהֹוָ֤ה צְבָאוֹת֙ אֱלֹהֵ֣י יִשְׂרָאֵ֔ל הִנְנִ֧י מַאֲכִילָ֛ם אֶת־הָעָ֥ם הַזֶּ֖ה לַעֲנָ֑ה
	וְהִשְׁקִיתִ֖ים מֵי־רֹֽאשׁ׃
	בְּכֵין כִּדנָן אֲמַר יְיָ צְבָאוֹת אֱלָהָא דְיִשׂרָאֵל הָאֲנָא מֵיתֵי עָקָא עַל עַמָא הָדֵין מְרָר כְּגִדִּין
	וְאַשׁקֵינוּן כָּס דִּלוָט בִּישׁ כְּרֵישֵׁי חִוִין:
ט,טו	וַהֲפִֽצוֹתִים֙ בַּגּוֹיִ֔ם אֲשֶׁר֙ לֹ֣א יָדְע֔וּ הֵ֖מָּה וַאֲבוֹתָ֑ם
	וְשִׁלַּחְתִּ֤י אַֽחֲרֵיהֶם֙ אֶת־הַחֶ֔רֶב עַ֥ד כַּלּוֹתִ֖י אוֹתָֽם׃ {פ}
	וַאֲבַדְּרִנוּן בֵּינֵי עַמְמַיָא דְּלָא יְדַעוּ אִנוּן וַאֲבָהָתְהוֹן
	וַאֲגָרֵי בָתְרֵיהוֹן דְּקָטְלִין בְּחַרבָּא עַד דַּאֲשֵׁיצֵי יָתְהוֹן:
ט,טז	כֹּ֤ה אָמַר֙ יְהֹוָ֣ה צְבָא֔וֹת הִתְבּ֥וֹנְנ֛וּ וְקִרְא֥וּ לַמְקוֹנְנ֖וֹת וּתְבוֹאֶ֑ינָה
	וְאֶל־הַחֲכָמ֥וֹת שִׁלְח֖וּ וְתָבֽוֹאנָה׃
	כִּדנָן אֲמַר יְיָ צְבָאוֹת אִסתַּכַּלוּ וּקרוֹ לְאַלָיָתָא וְיֵיתיָן
	וּלחַכִּימָתָא שְׁלַחוּ וְיֵיתוֹן:
ט,יז	וּתְמַהֵ֕רְנָה וְתִשֶּׂ֥נָה עָלֵ֖ינוּ נֶ֑הִי
	וְתֵרַ֤דְנָה עֵינֵ֙ינוּ֙ דִּמְעָ֔ה וְעַפְעַפֵּ֖ינוּ יִזְּלוּ־מָֽיִם׃
	וְיוֹחֲיָן וְיִטְלָן עֲלַנָא אִליָא
	וִישַׁגְּרָן עֵינַנָא דִּמעִין וְגִלגְּלֵי עֵינַנָא יִגְּרוּן מַיָא:
ט,יח	כִּ֣י ק֥וֹל נְהִ֛י נִשְׁמַ֥ע מִצִּיּ֖וֹן אֵ֣יךְ שֻׁדָּ֑דְנוּ
	בֹּ֤שְׁנֽוּ מְאֹד֙ כִּֽי־עָזַ֣בְנוּ אָ֔רֶץ כִּ֥י הִשְׁלִ֖יכוּ מִשְׁכְּנוֹתֵֽינוּ׃ {ס}
	אֲרֵי קָל אִליָא אִשׁתְּמַע מִצִיוֹן אֵיכְדֵין אִתבְּזֵיזנָא
	בְּהֵיתנָא לַחדָּא אֲרֵי חֲרוֹבַת אַרעַנָא אֲרֵי צַדִּיאָה בִּירָניָתַנָא:
ט,יט	כִּֽי־שְׁמַ֤עְנָה נָשִׁים֙ דְּבַר־יְהֹוָ֔ה וְתִקַּ֥ח אׇזְנְכֶ֖ם דְּבַר־פִּ֑יו
	וְלַמֵּ֤דְנָה בְנֽוֹתֵיכֶם֙ נֶ֔הִי וְאִשָּׁ֥ה רְעוּתָ֖הּ קִינָֽה׃
	אֲרֵי שְׁמַעָא נְשַׁיָא פִּתגָמָא דַייָ וְתַצֵית אֻדנְכוֹן לְמִלֵי נְבִיוֹהִי
	וְאַלִיפָא לִבנָתְכוֹן אִליָא וְאִתְּתָא לַחֲבִרתַּהּ עֲנוּיָא:
ט,כ	כִּי־עָ֤לָֽה מָ֙וֶת֙ בְּחַלּוֹנֵ֔ינוּ בָּ֖א בְּאַרְמְנוֹתֵ֑ינוּ
	לְהַכְרִ֤ית עוֹלָל֙ מִח֔וּץ בַּחוּרִ֖ים מֵרְחֹבֽוֹת׃
	אֲרֵי סְלֵיק מוֹתָא בַּחֲרַכַּנָא עָל בְּבִירָניָתַנָא
	לְשֵׁיצָאָה יָנְקִין מִשׁוּקָא עוֹלֵימִין מֵרְחוֹבָן:
ט,כא	דַּבֵּ֗ר כֹּ֚ה נְאֻם־יְהֹוָ֔ה וְנָֽפְלָה֙ נִבְלַ֣ת הָאָדָ֔ם כְּדֹ֖מֶן עַל־פְּנֵ֣י הַשָּׂדֶ֑ה
	וּכְעָמִ֛יר מֵאַחֲרֵ֥י הַקֹּצֵ֖ר וְאֵ֥ין מְאַסֵּֽף׃ {ס}
	אִתנַבִּי כִּדנָן אֲמַר יְיָ וְתִתרְמֵי נְבֵילְתָא דֶאֱנָשָׁא כְּזֵיבֶל מְבֻדַּר עַל אַפֵּי חַקלָא
	וּכעָמִירָא מִבָּתַר חָצוֹדָא וְלֵית דִּמכַנֵישׁ:
ט,כב	כֹּ֣ה׀ אָמַ֣ר יְהֹוָ֗ה אַל־יִתְהַלֵּ֤ל חָכָם֙ בְּחׇכְמָת֔וֹ וְאַל־יִתְהַלֵּ֥ל הַגִּבּ֖וֹר בִּגְבוּרָת֑וֹ
	אַל־יִתְהַלֵּ֥ל עָשִׁ֖יר בְּעׇשְׁרֽוֹ׃
	כִּדְנָן אֲמַר יְיָ לָא יִשׁתַּבַּח חַכִּימָא בְּחָכמְתֵיהּ וְלָא יִשׁתַּבַּח גִּיבָּרָא בְּגִיבָּרוּתֵיהּ
	לָא יִשׁתַּבַּח עַתִּירָא בְּעֻתרֵיהּ:
ט,כג	כִּ֣י אִם־בְּזֹ֞את יִתְהַלֵּ֣ל הַמִּתְהַלֵּ֗ל הַשְׂכֵּל֮ וְיָדֹ֣עַ אוֹתִי֒ כִּ֚י אֲנִ֣י יְהֹוָ֔ה עֹ֥שֶׂה חֶ֛סֶד מִשְׁפָּ֥ט וּצְדָקָ֖ה בָּאָ֑רֶץ
	כִּֽי־בְאֵ֥לֶּה חָפַ֖צְתִּי נְאֻם־יְהֹוָֽה׃ {ס}
	אֱלָהֵין בְּדָא יִשׁתַּבַּח דְּמִשׁתַּבַּח דְּחַכִּים וְאוֹלֵיף לְמִדַּע דַּחלְתִי אֲרֵי אֲנָא יְיָ עָבֵידנָא חִסדָּא וְדִין דִּקשׁוֹט וְזָכוּ בְּאַרעָא
	אֲרֵי בְאִלֵין רַעֲוָא קֳדָמַי אֲמַר יְיָ:

במנחה


יד,ב	שׁ֚וּבָה יִשְׂרָאֵ֔ל עַ֖ד יְהֹוָ֣ה אֱלֹהֶ֑יךָ
	כִּ֥י כָשַׁ֖לְתָּ בַּעֲוֺנֶֽךָ׃
	תּוּב יִשׂרָאֵל לְדַחלְתָא דַּייָ אֱלָהָך
	אֲרֵי אִתְּקֵילתָּא בְּחוֹבָך:
יד,ג	קְח֤וּ עִמָּכֶם֙ דְּבָרִ֔ים וְשׁ֖וּבוּ אֶל־יְהֹוָ֑ה
	אִמְר֣וּ אֵלָ֗יו כׇּל־תִּשָּׂ֤א עָוֺן֙ וְקַח־ט֔וֹב וּֽנְשַׁלְּמָ֥ה פָרִ֖ים שְׂפָתֵֽינוּ׃
	קָרִיבוּ עִמְכוֹן פִּתגָמִין דְּאִתוַדַּאָה וְתוּבוּ לְפֻלחָנָא דַייָ
	וְאֵימַרוּ קֳדָמוֹהִי קָרִיב קֳדָמָך לְמִשׁבַּק עַל עֲוָיָן נִתקַבַּל הָא כְטָבִין
	וְיִהוְיָן מִלֵי סִפוָתַנָא מִתקַבְּלָן קֳדָמָך כְּתוֹרִין לְרַעֲוָא עַל מַדבְּחָך:
יד,ד	אַשּׁ֣וּר׀ לֹ֣א יוֹשִׁיעֵ֗נוּ עַל־סוּס֙ לֹ֣א נִרְכָּ֔ב וְלֹא־נֹ֥אמַר ע֛וֹד אֱלֹהֵ֖ינוּ לְמַעֲשֵׂ֣ה יָדֵ֑ינוּ
	אֲשֶׁר־בְּךָ֖ יְרֻחַ֥ם יָתֽוֹם׃
	מַלכֵי אַתּוּר לָא יִפרְקוּנַנָא עַל רָכְבֵי סוּסָוָן לָא נִתרְחֵיץ וְלָא נֵימַר עוֹד אֱלָהַנָא לְעוּבָדֵי יְדַנָא
	דְּמִן קֳדָמָך מִתרַחַם עַל אֲבָהָתַנָא דַהֲווֹ בְמִצרַיִם הָא כְיַתמִין:
יד,ה	אֶרְפָּא֙ מְשׁ֣וּבָתָ֔ם אֹהֲבֵ֖ם נְדָבָ֑ה
	כִּ֛י שָׁ֥ב אַפִּ֖י מִמֶּֽנּוּ׃
	אֲקַבֵּילִינוּן בִּתיוּבתְּהוֹן אֶשׁבּוֹק לְחוֹבֵיהוֹן אֲרַחֵימִנוּן
	כַּד יְתוּבוּן בְּנִדבָא אֲרֵי תָּב רֻגזִי מִנְהוֹן:
יד,ו	אֶהְיֶ֤ה כַטַּל֙ לְיִשְׂרָאֵ֔ל יִפְרַ֖ח כַּשּׁוֹשַׁנָּ֑ה
	וְיַ֥ךְ שׇׁרָשָׁ֖יו כַּלְּבָנֽוֹן׃
	יְהֵי מֵימְרִי כְטַלָא לְיִשׂרָאֵל יַזהֲרוּן כְּשׁוֹשַׁנַיָא
	וְיִתְּבוּן עַל תְּקוֹף אֲרַעהוֹן כְּאִילָן לִבנָן דִּמשַׁלַח עוֹבְרָתֵיהּ:
יד,ז	יֵֽלְכוּ֙ יֹֽנְקוֹתָ֔יו וִיהִ֥י כַזַּ֖יִת הוֹד֑וֹ
	וְרֵ֥יחַֽ ל֖וֹ כַּלְּבָנֽוֹן׃
	יִסגּוֹן בְּנִין וּבנָן וִיהֵי כְזִיו מְנָרַת קֻדשָׁא זִיוְהוֹן
	וְרֵיחֲהוֹן כְּרֵיחַ קְטוֹרֶת בֻּסמַיָא:
יד,ח	יָשֻׁ֙בוּ֙ יֹשְׁבֵ֣י בְצִלּ֔וֹ יְחַיּ֥וּ דָגָ֖ן וְיִפְרְח֣וּ כַגָּ֑פֶן
	זִכְר֖וֹ כְּיֵ֥ין לְבָנֽוֹן׃
	יִתכַּנשׁוּן מִבֵּינֵי גָלְוָתְהוֹן יִתְּבוּן בִּטלַל מְשִׁיחֲהוֹן יֵיחוֹן מִיתַיָא וְיִסגֵּי טוּבָא בְאַרעָא
	יְהֵי דֻכרַן טָבוָתְהוֹן עָלֵיל וְלָא פָסִיק כְּדֻכרַן יַבָּבוּת חֲצוֹצְרָתָא עַל חֲמַר עַתִּיק דְּמִתנַסַך בְּבֵית מַקדְּשָׁא:
יד,ט	אֶפְרַ֕יִם מַה־לִּ֥י ע֖וֹד לָעֲצַבִּ֑ים
	אֲנִ֧י עָנִ֣יתִי וַאֲשׁוּרֶ֗נּוּ אֲנִי֙ כִּבְר֣וֹשׁ רַעֲנָ֔ן מִמֶּ֖נִּי פֶּרְיְךָ֥ נִמְצָֽא׃
	יֵימְרוּן בֵּית יִשׂרָאֵל מָא לַנָא עוֹד לְמִפלַח לְטָעֲוָתָא
	אֲנָא בְמֵימְרִי אֲקַבֵּיל צְלוֹתֵיהּ דְּיִשׂרָאֵל וַאֲרַחֵים עֲלוֹהִי בְמֵימְרִי אַעבְּדִנֵיהּ כְּבֵירָוָן שַׁפִּיר
	דְּמִן קֳדָמַי סְלִיחַ לִתיוּבתְּהוֹן מִשׁתַּכחָא:
יד,י	מִ֤י חָכָם֙ וְיָ֣בֵֽן אֵ֔לֶּה נָב֖וֹן וְיֵדָעֵ֑ם
	כִּֽי־יְשָׁרִ֞ים דַּרְכֵ֣י יְהֹוָ֗ה וְצַדִּקִים֙ יֵ֣לְכוּ בָ֔ם וּפֹשְׁעִ֖ים יִכָּ֥שְׁלוּ בָֽם׃
	מַן חַכִּים וְיִסבַּר אִלֵין סֻכלְתָן וְיִדְּעִנִין
	אֲרֵי תָקְנָן אוֹרחָתָא דַייָ וְצַדִּיקַיָא דְּהַלִיכוּ בְהוֹן יֵיחוֹן בְּהוֹן בְּחַיֵי עָלְמָא וְרַשִׁיעַיָא יִתמַסרוּן לְגֵיהִנָם עַל דְּלָא הַלִיכוּ בְהוֹן: