Menu

שמות כ"ו

ב' בתמוז תשפ"ה

לחזור ללוח

קריאת התורה

שמות לב, טו - לג, כג

להוריד
לב,טווַיִּ֜פֶן וַיֵּ֤רֶד מֹשֶׁה֙ מִן־הָהָ֔ר וּשְׁנֵ֛י לֻחֹ֥ת הָעֵדֻ֖ת בְּיָד֑וֹ
לֻחֹ֗ת כְּתֻבִים֙ מִשְּׁנֵ֣י עֶבְרֵיהֶ֔ם מִזֶּ֥ה וּמִזֶּ֖ה הֵ֥ם כְּתֻבִֽים׃
וְאִתְפְּנִי וּנְחַת מֹשֶׁה מִן טוּרָא וּתְרֵין לוּחֵי סָהֲדוּתָא בִּידֵיהּ
לוּחֵי כְּתִיבִין מִתְּרֵין עֶבְרֵיהוֹן מִכָּא וּמִכָּא אִנּוּן כְּתִיבִין׃
לב,טזוְהַ֨לֻּחֹ֔ת מַעֲשֵׂ֥ה אֱלֹהִ֖ים הֵ֑מָּה
וְהַמִּכְתָּ֗ב מִכְתַּ֤ב אֱלֹהִים֙ ה֔וּא חָר֖וּת עַל־הַלֻּחֹֽת׃
וְלוּחַיָּא עוּבָדָא דַּייָ אִנּוּן
וּכְתָבָא כְּתָבָא דַּייָ הוּא מְפָרַשׁ עַל לוּחַיָּא׃
לב,יזוַיִּשְׁמַ֧ע יְהוֹשֻׁ֛עַ אֶת־ק֥וֹל הָעָ֖ם בְּרֵעֹ֑ה
וַיֹּ֙אמֶר֙ אֶל־מֹשֶׁ֔ה ק֥וֹל מִלְחָמָ֖ה בַּֽמַּחֲנֶֽה׃
וּשְׁמַע יְהוֹשֻעַ יָת קָל עַמָּא כַּד מְיַבְּבִין
וַאֲמַר לְמֹשֶׁה קָל קְרָבָא בְּמַשְׁרִיתָא׃
לב,יחוַיֹּ֗אמֶר אֵ֥ין קוֹל֙ עֲנ֣וֹת גְּבוּרָ֔ה וְאֵ֥ין ק֖וֹל עֲנ֣וֹת חֲלוּשָׁ֑ה
ק֣וֹל עַנּ֔וֹת אָנֹכִ֖י שֹׁמֵֽעַ׃
וַאֲמַר לָא קָל גִּבָּרִין דְּנָצְחִין בִּקְרָבָא וְאַף לָא קָל חַלָּשִׁין
דְּמִתַּבְּרִין קָל דִּמְחָיְכִין אֲנָא שָׁמַע׃
לב,יטוַֽיְהִ֗י כַּאֲשֶׁ֤ר קָרַב֙ אֶל־הַֽמַּחֲנֶ֔ה וַיַּ֥רְא אֶת־הָעֵ֖גֶל וּמְחֹלֹ֑ת
וַיִּֽחַר־אַ֣ף מֹשֶׁ֗ה וַיַּשְׁלֵ֤ךְ מִיָּדָו֙ אֶת־הַלֻּחֹ֔ת וַיְשַׁבֵּ֥ר אֹתָ֖ם תַּ֥חַת הָהָֽר׃
וַהֲוָה כַּד קְרֵיב לְמַשְׁרִיתָא וַחֲזָא יָת עִגְלָא וְחִנְגִין
וּתְקֵיף רוּגְזָא דְּמֹשֶׁה וּרְמָא מִיְּדוֹהִי יָת לוּחַיָּא וְתַבַּר יָתְהוֹן בְּשִׁפּוֹלֵי טוּרָא׃
לב,כוַיִּקַּ֞ח אֶת־הָעֵ֨גֶל אֲשֶׁ֤ר עָשׂוּ֙ וַיִּשְׂרֹ֣ף בָּאֵ֔שׁ וַיִּטְחַ֖ן עַ֣ד אֲשֶׁר־דָּ֑ק
וַיִּ֙זֶר֙ עַל־פְּנֵ֣י הַמַּ֔יִם וַיַּ֖שְׁקְ אֶת־בְּנֵ֥י יִשְׂרָאֵֽל׃
וּנְסֵיב יָת עִגְלָא דַּעֲבַדוּ וְאוֹקֵיד בְּנוּרָא וְשָׁף עַד דַּהֲוָה דַּקִיק
וּדְרָא עַל אַפֵּי מַיָּא וְאַשְׁקִי יָת בְּנֵי יִשְׂרָאֵל׃
לב,כאוַיֹּ֤אמֶר מֹשֶׁה֙ אֶֽל־אַהֲרֹ֔ן מֶֽה־עָשָׂ֥ה לְךָ֖ הָעָ֣ם הַזֶּ֑ה
כִּֽי־הֵבֵ֥אתָ עָלָ֖יו חֲטָאָ֥ה גְדֹלָֽה׃
(וַאֲמַר מֹשֶׁה לְאַהֲרֹן מָא עֲבַד לָךְ עַמָּא הָדֵין
אֲרֵי אֵיתִיתָא עֲלוֹהִי חוֹבָא רַבָּא׃)
לב,כבוַיֹּ֣אמֶר אַהֲרֹ֔ן אַל־יִ֥חַר אַ֖ף אֲדֹנִ֑י
אַתָּה֙ יָדַ֣עְתָּ אֶת־הָעָ֔ם כִּ֥י בְרָ֖ע הֽוּא׃
(וַאֲמַר אַהֲרֹן לָא יִתְקַף רוּגְזָא דְּרִבּוֹנִי
אַתְּ יְדַעְתְּ יָת עַמָּא אֲרֵי בְּבִישׁ הוּא׃)
לב,כגוַיֹּ֣אמְרוּ לִ֔י עֲשֵׂה־לָ֣נוּ אֱלֹהִ֔ים אֲשֶׁ֥ר יֵלְכ֖וּ לְפָנֵ֑ינוּ
כִּי־זֶ֣ה׀ מֹשֶׁ֣ה הָאִ֗ישׁ אֲשֶׁ֤ר הֶֽעֱלָ֙נוּ֙ מֵאֶ֣רֶץ מִצְרַ֔יִם לֹ֥א יָדַ֖עְנוּ מֶה־הָ֥יָה לֽוֹ׃
(וַאֲמַרוּ לִי עֲבֵיד לַנָא דַּחְלָן דִּיהָכָן קֳדָמַנָא
אֲרֵי דֵין מֹשֶׁה גּוּבְרָא דְּאַסְּקַנָא מֵאַרְעָא דְּמִצְרַיִם לָא יְדַעְנָא מָא הֲוָה לֵיהּ׃)
לב,כדוָאֹמַ֤ר לָהֶם֙ לְמִ֣י זָהָ֔ב הִתְפָּרָ֖קוּ וַיִּתְּנוּ־לִ֑י
וָאַשְׁלִכֵ֣הוּ בָאֵ֔שׁ וַיֵּצֵ֖א הָעֵ֥גֶל הַזֶּֽה׃
(וַאֲמַרִית לְהוֹן לְמַן דַּהְבָּא פָּרִיקוּ וִיהַבוּ לִי
וּרְמֵיתֵיהּ בְּנוּרָא וּנְפַק עִגְלָא הָדֵין׃)
לב,כהוַיַּ֤רְא מֹשֶׁה֙ אֶת־הָעָ֔ם כִּ֥י פָרֻ֖עַ ה֑וּא
כִּֽי־פְרָעֹ֣ה אַהֲרֹ֔ן לְשִׁמְצָ֖ה בְּקָמֵיהֶֽם׃
(וַחֲזָא מֹשֶׁה יָת עַמָּא אֲרֵי בְּטִיל הוּא
אֲרֵי בַּטֵּילִנּוּן אַהֲרֹן לְאַסָּבוּתְהוֹן שׁוֹם בִּישׁ לְדָרֵיהוֹן׃)
לב,כווַיַּעֲמֹ֤ד מֹשֶׁה֙ בְּשַׁ֣עַר הַֽמַּחֲנֶ֔ה וַיֹּ֕אמֶר מִ֥י לַיהֹוָ֖ה אֵלָ֑י
וַיֵּאָסְפ֥וּ אֵלָ֖יו כׇּל־בְּנֵ֥י לֵוִֽי׃
וְקָם מֹשֶׁה בִּתְרַע מַשְׁרִיתָא וַאֲמַר מַן דָּחֲלַיָּא דַּייָ יֵיתוֹן לְוָתִי
וְאִתְכְּנִישׁוּ לְוָתֵיהּ כָּל בְּנֵי לֵוִי׃
לב,כזוַיֹּ֣אמֶר לָהֶ֗ם כֹּֽה־אָמַ֤ר יְהֹוָה֙ אֱלֹהֵ֣י יִשְׂרָאֵ֔ל שִׂ֥ימוּ אִישׁ־חַרְבּ֖וֹ עַל־יְרֵכ֑וֹ
עִבְר֨וּ וָשׁ֜וּבוּ מִשַּׁ֤עַר לָשַׁ֙עַר֙ בַּֽמַּחֲנֶ֔ה וְהִרְג֧וּ אִֽישׁ־אֶת־אָחִ֛יו וְאִ֥ישׁ אֶת־רֵעֵ֖הוּ וְאִ֥ישׁ אֶת־קְרֹבֽוֹ׃
וַאֲמַר לְהוֹן כִּדְנָן אֲמַר יְיָ אֱלָהָא דְּיִשְׂרָאֵל שַׁוּוֹ גְּבַר חַרְבֵּיהּ עַל יִרְכֵּיהּ
עֵיבַרוּ וְתוּבוּ מִתְּרַע לִתְרַע בְּמַשְׁרִיתָא וּקְטוּלוּ גְּבַר יָת אֲחוּהִי וּגְבַר יָת חַבְרֵיהּ וֶאֱנָשׁ יָת קָרִיבֵיהּ׃
לב,כחוַיַּֽעֲשׂ֥וּ בְנֵֽי־לֵוִ֖י כִּדְבַ֣ר מֹשֶׁ֑ה
וַיִּפֹּ֤ל מִן־הָעָם֙ בַּיּ֣וֹם הַה֔וּא כִּשְׁלֹ֥שֶׁת אַלְפֵ֖י אִֽישׁ׃
וַעֲבַדוּ בְנֵי לֵוִי כְּפִתְגָמָא דְּמֹשֶׁה
וּנְפַל מִן עַמָּא בְּיוֹמָא הַהוּא כִּתְלָתָא אַלְפִין גּוּבְרָא׃
לב,כטוַיֹּ֣אמֶר מֹשֶׁ֗ה מִלְא֨וּ יֶדְכֶ֤ם הַיּוֹם֙ לַֽיהֹוָ֔ה כִּ֛י אִ֥ישׁ בִּבְנ֖וֹ וּבְאָחִ֑יו
וְלָתֵ֧ת עֲלֵיכֶ֛ם הַיּ֖וֹם בְּרָכָֽה׃
וַאֲמַר מֹשֶׁה קָרִיבוּ יְדֵיכוֹן יוֹמָא דֵין קוּרְבָּנָא קֳדָם יְיָ אֲרֵי גְּבַר בִּבְרֵיהּ וּבַאֲחוּהִי
וּלְאֵיתָאָה עֲלֵיכוֹן יוֹמָא דֵין בִּרְכָן׃
לב,לוַֽיְהִי֙ מִֽמׇּחֳרָ֔ת וַיֹּ֤אמֶר מֹשֶׁה֙ אֶל־הָעָ֔ם אַתֶּ֥ם חֲטָאתֶ֖ם חֲטָאָ֣ה גְדֹלָ֑ה
וְעַתָּה֙ אֶֽעֱלֶ֣ה אֶל־יְהֹוָ֔ה אוּלַ֥י אֲכַפְּרָ֖ה בְּעַ֥ד חַטַּאתְכֶֽם׃
וַהֲוָה בְּיוֹמָא דְּבָתְרוֹהִי וַאֲמַר מֹשֶׁה לְעַמָּא אַתּוּן חַבְתּוּן חוֹבָא רַבָּא
וּכְעַן אֶסַּק לִקְדָם יְיָ מָאִם אֲכַפַּר עַל חוֹבֵיכוֹן׃
לב,לאוַיָּ֧שׇׁב מֹשֶׁ֛ה אֶל־יְהֹוָ֖ה וַיֹּאמַ֑ר
אָ֣נָּ֗א חָטָ֞א הָעָ֤ם הַזֶּה֙ חֲטָאָ֣ה גְדֹלָ֔ה וַיַּֽעֲשׂ֥וּ לָהֶ֖ם אֱלֹהֵ֥י זָהָֽב׃
וְתָב מֹשֶׁה לִקְדָם יְיָ וַאֲמַר
בְּבָעוּ חָב עַמָּא הָדֵין חוֹבָא רַבָּא וַעֲבַדוּ לְהוֹן דַּחְלָן דִּדְהַב׃
לב,לבוְעַתָּ֖ה אִם־תִּשָּׂ֣א חַטָּאתָ֑ם
וְאִם־אַ֕יִן מְחֵ֣נִי נָ֔א מִֽסִּפְרְךָ֖ אֲשֶׁ֥ר כָּתָֽבְתָּ׃
וּכְעַן אִם שְׁבַקְתְּ לְחוֹבֵיהוֹן
וְאִם לָא מְחֵינִי כְעַן מִסִּפְרָךְ דִּכְתַבְתָּא׃
לב,לגוַיֹּ֥אמֶר יְהֹוָ֖ה אֶל־מֹשֶׁ֑ה
מִ֚י אֲשֶׁ֣ר חָֽטָא־לִ֔י אֶמְחֶ֖נּוּ מִסִּפְרִֽי׃
וַאֲמַר יְיָ לְמֹשֶׁה
מַן דְּחָב קֳדָמַי אֶמְחֵינֵיהּ מִסִּפְרִי׃
לב,לדוְעַתָּ֞ה לֵ֣ךְ׀ נְחֵ֣ה אֶת־הָעָ֗ם אֶ֤ל אֲשֶׁר־דִּבַּ֙רְתִּי֙ לָ֔ךְ הִנֵּ֥ה מַלְאָכִ֖י יֵלֵ֣ךְ לְפָנֶ֑יךָ
וּבְי֣וֹם פׇּקְדִ֔י וּפָקַדְתִּ֥י עֲלֵהֶ֖ם חַטָּאתָֽם׃
וּכְעַן אִיזֵיל דַּבַּר יָת עַמָּא לְאַתְרָא דְּמַלֵּילִית לָךְ הָא מַלְאֲכִי יְהָךְ קֳדָמָךְ
וּבְיוֹם אַסְעָרוּתִי וְאַסְעַר עֲלֵיהוֹן חוֹבֵיהוֹן׃
לב,להוַיִּגֹּ֥ף יְהֹוָ֖ה אֶת־הָעָ֑ם
עַ֚ל אֲשֶׁ֣ר עָשׂ֣וּ אֶת־הָעֵ֔גֶל אֲשֶׁ֥ר עָשָׂ֖ה אַהֲרֹֽן׃ {ס}
(וּמְחָא יְיָ יָת עַמָּא
עַל דְּאִשְׁתַּעֲבַדוּ לְעִגְלָא דַּעֲבַד אַהֲרֹן׃)
לג,אוַיְדַבֵּ֨ר יְהֹוָ֤ה אֶל־מֹשֶׁה֙ לֵ֣ךְ עֲלֵ֣ה מִזֶּ֔ה אַתָּ֣ה וְהָעָ֔ם אֲשֶׁ֥ר הֶֽעֱלִ֖יתָ מֵאֶ֣רֶץ מִצְרָ֑יִם
אֶל־הָאָ֗רֶץ אֲשֶׁ֣ר נִ֠שְׁבַּ֠עְתִּי לְאַבְרָהָ֨ם לְיִצְחָ֤ק וּֽלְיַעֲקֹב֙ לֵאמֹ֔ר לְזַרְעֲךָ֖ אֶתְּנֶֽנָּה׃
וּמַלֵּיל יְיָ עִם מֹשֶׁה אִיזֵיל סַק מִכָּא אַתְּ וְעַמָּא דְּאַסֵּיקְתָּא מֵאַרְעָא דְּמִצְרָיִם
לְאַרְעָא דְּקַיֵּימִית לְאַבְרָהָם לְיִצְחָק וּלְיַעֲקֹב לְמֵימַר לִבְנָךְ אֶתְּנִנַּהּ׃
לג,בוְשָׁלַחְתִּ֥י לְפָנֶ֖יךָ מַלְאָ֑ךְ
וְגֵֽרַשְׁתִּ֗י אֶת־הַֽכְּנַעֲנִי֙ הָֽאֱמֹרִ֔י וְהַֽחִתִּי֙ וְהַפְּרִזִּ֔י הַחִוִּ֖י וְהַיְבוּסִֽי׃
וְאֶשְׁלַח קֳדָמָךְ מַלְאֲכָא
וַאֲתָרֵיךְ יָת כְּנַעֲנָאֵי אֱמוֹרָאֵי וְחִתָּאֵי וּפְרִזָּאֵי חִוָּאֵי וִיבוּסָאֵי׃
לג,גאֶל־אֶ֛רֶץ זָבַ֥ת חָלָ֖ב וּדְבָ֑שׁ
כִּי֩ לֹ֨א אֶֽעֱלֶ֜ה בְּקִרְבְּךָ֗ כִּ֤י עַם־קְשֵׁה־עֹ֙רֶף֙ אַ֔תָּה פֶּן־אֲכֶלְךָ֖ בַּדָּֽרֶךְ׃
לַאֲרַע עָבְדָא חֲלָב וּדְבָשׁ
אֲרֵי לָא אֲסַלֵּיק שְׁכִינְתִי מִבֵּינָךְ אֲרֵי עַם קְשֵׁי קְדָל אַתְּ דִּלְמָא אֲשֵׁיצֵינָךְ בְּאוֹרְחָא׃
לג,דוַיִּשְׁמַ֣ע הָעָ֗ם אֶת־הַדָּבָ֥ר הָרָ֛ע הַזֶּ֖ה וַיִּתְאַבָּ֑לוּ
וְלֹא־שָׁ֛תוּ אִ֥ישׁ עֶדְי֖וֹ עָלָֽיו׃
וּשְׁמַע עַמָּא יָת פִּתְגָמָא בִישָׁא הָדֵין וְאִתְאַבַּלוּ
וְלָא שַׁוּוֹ גְּבַר תִּקּוּן זֵינֵיהּ עֲלוֹהִי׃
לג,הוַיֹּ֨אמֶר יְהֹוָ֜ה אֶל־מֹשֶׁ֗ה אֱמֹ֤ר אֶל־בְּנֵֽי־יִשְׂרָאֵל֙ אַתֶּ֣ם עַם־קְשֵׁה־עֹ֔רֶף רֶ֧גַע אֶחָ֛ד אֶֽעֱלֶ֥ה בְקִרְבְּךָ֖ וְכִלִּיתִ֑יךָ
וְעַתָּ֗ה הוֹרֵ֤ד עֶדְיְךָ֙ מֵֽעָלֶ֔יךָ וְאֵדְעָ֖ה מָ֥ה אֶֽעֱשֶׂה־לָּֽךְ׃
וַאֲמַר יְיָ לְמֹשֶׁה אֵימַר לִבְנֵי יִשְׂרָאֵל אַתּוּן עַם קְשֵׁי קְדָל שָׁעָה חֲדָא אֲסַלֵּיק שְׁכִינְתִי מִבֵּינָךְ וַאֲשֵׁיצֵינָךְ
וּכְעַן אַעְדְּ תִּקּוּן זֵינָךְ מִנָּךְ גְּלֵי קֳדָמַי מָא אַעֲבֵיד לָךְ׃
לג,ווַיִּֽתְנַצְּל֧וּ בְנֵֽי־יִשְׂרָאֵ֛ל אֶת־עֶדְיָ֖ם מֵהַ֥ר חוֹרֵֽב׃
וְאַעְדּוֹ בְנֵי יִשְׂרָאֵל יָת תִּקּוּן זֵינְהוֹן מִטּוּרָא דְּחוֹרֵב׃
לג,זוּמֹשֶׁה֩ יִקַּ֨ח אֶת־הָאֹ֜הֶל וְנָֽטָה־ל֣וֹ׀ מִח֣וּץ לַֽמַּחֲנֶ֗ה הַרְחֵק֙ מִן־הַֽמַּחֲנֶ֔ה וְקָ֥רָא ל֖וֹ אֹ֣הֶל מוֹעֵ֑ד
וְהָיָה֙ כׇּל־מְבַקֵּ֣שׁ יְהֹוָ֔ה יֵצֵא֙ אֶל־אֹ֣הֶל מוֹעֵ֔ד אֲשֶׁ֖ר מִח֥וּץ לַֽמַּחֲנֶֽה׃
וּמֹשֶׁה נָסֵיב יָת מַשְׁכְּנָא וּפַרְסֵיהּ לֵיהּ מִבַּרָא לְמַשְׁרִיתָא אַרְחֵיק מִן מַשְׁרִיתָא וְקָרֵי לֵיהּ מַשְׁכַּן בֵּית אוּלְפָנָא
וְהָוֵי כָּל דְּתָבַע אוּלְפָן מִן קֳדָם יְיָ נָפֵיק לְמַשְׁכַּן בֵּית אוּלְפָנָא דְּמִבַּרָא לְמַשְׁרִיתָא׃
לג,חוְהָיָ֗ה כְּצֵ֤את מֹשֶׁה֙ אֶל־הָאֹ֔הֶל יָק֙וּמוּ֙ כׇּל־הָעָ֔ם וְנִ֨צְּב֔וּ אִ֖ישׁ פֶּ֣תַח אׇהֳל֑וֹ
וְהִבִּ֙יטוּ֙ אַחֲרֵ֣י מֹשֶׁ֔ה עַד־בֹּא֖וֹ הָאֹֽהֱלָה׃
וְהָוֵי כַּד נָפֵיק מֹשֶׁה לְמַשְׁכְּנָא קָיְמִין כָּל עַמָּא וּמִתְעַתְּדִין גְּבַר בִּתְרַע מַשְׁכְּנֵיהּ
וּמִסְתַּכְּלִין אֲחוֹרֵי מֹשֶׁה עַד דְּעָלֵיל לְמַשְׁכְּנָא׃
לג,טוְהָיָ֗ה כְּבֹ֤א מֹשֶׁה֙ הָאֹ֔הֱלָה יֵרֵד֙ עַמּ֣וּד הֶֽעָנָ֔ן וְעָמַ֖ד פֶּ֣תַח הָאֹ֑הֶל
וְדִבֶּ֖ר עִם־מֹשֶֽׁה׃
וְהָוֵי כַּד עָלֵיל מֹשֶׁה לְמַשְׁכְּנָא נָחֵית עַמּוּדָא דַּעֲנָנָא וְקָאֵים בִּתְרַע מַשְׁכְּנָא
וּמִתְמַלַּל עִם מֹשֶׁה׃
לג,יוְרָאָ֤ה כׇל־הָעָם֙ אֶת־עַמּ֣וּד הֶֽעָנָ֔ן עֹמֵ֖ד פֶּ֣תַח הָאֹ֑הֶל
וְקָ֤ם כׇּל־הָעָם֙ וְהִֽשְׁתַּחֲו֔וּ אִ֖ישׁ פֶּ֥תַח אׇהֳלֽוֹ׃
וְחָזַן כָּל עַמָּא יָת עַמּוּדָא דַּעֲנָנָא קָאֵים בִּתְרַע מַשְׁכְּנָא
וְקָיְמִין כָּל עַמָּא וְסָגְדִין גְּבַר בִּתְרַע מַשְׁכְּנֵיהּ׃
לג,יאוְדִבֶּ֨ר יְהֹוָ֤ה אֶל־מֹשֶׁה֙ פָּנִ֣ים אֶל־פָּנִ֔ים כַּאֲשֶׁ֛ר יְדַבֵּ֥ר אִ֖ישׁ אֶל־רֵעֵ֑הוּ
וְשָׁב֙ אֶל־הַֽמַּחֲנֶ֔ה וּמְשָׁ֨רְת֜וֹ יְהוֹשֻׁ֤עַ בִּן־נוּן֙ נַ֔עַר לֹ֥א יָמִ֖ישׁ מִתּ֥וֹךְ הָאֹֽהֶל׃ {פ}
וּמְמַלֵּיל יְיָ עִם מֹשֶׁה מַמְלַל עִם מַמְלַל כְּמָא דִּימַלֵּיל גּוּבְרָא עִם חַבְרֵיהּ
וְתָאֵיב לְמַשְׁרִיתָא וּמְשׁוּמְשָׁנֵיהּ יְהוֹשֻׁעַ בַּר נוּן עוּלֵימָא לָא עָדֵי מִגּוֹ מַשְׁכְּנָא׃
לג,יבוַיֹּ֨אמֶר מֹשֶׁ֜ה אֶל־יְהֹוָ֗ה רְ֠אֵ֠ה אַתָּ֞ה אֹמֵ֤ר אֵלַי֙ הַ֚עַל אֶת־הָעָ֣ם הַזֶּ֔ה וְאַתָּה֙ לֹ֣א הֽוֹדַעְתַּ֔נִי אֵ֥ת אֲשֶׁר־תִּשְׁלַ֖ח עִמִּ֑י
וְאַתָּ֤ה אָמַ֙רְתָּ֙ יְדַעְתִּ֣יךָֽ בְשֵׁ֔ם וְגַם־מָצָ֥אתָ חֵ֖ן בְּעֵינָֽי׃
וַאֲמַר מֹשֶׁה קֳדָם יְיָ חֲזִי דְּאַתְּ אָמַר לִי אַסֵּיק יָת עַמָּא הָדֵין וְאַתְּ לָא אוֹדַעְתַּנִי יָת דְּתִשְׁלַח עִמִּי
וְאַתְּ אֲמַרְתְּ רַבִּיתָךְ בְּשׁוֹם וְאַף אַשְׁכַּחְתָּא רַחֲמִין קֳדָמָי׃
לג,יגוְעַתָּ֡ה אִם־נָא֩ מָצָ֨אתִי חֵ֜ן בְּעֵינֶ֗יךָ הוֹדִעֵ֤נִי נָא֙ אֶת־דְּרָכֶ֔ךָ וְאֵדָ֣עֲךָ֔ לְמַ֥עַן אֶמְצָא־חֵ֖ן בְּעֵינֶ֑יךָ
וּרְאֵ֕ה כִּ֥י עַמְּךָ֖ הַגּ֥וֹי הַזֶּֽה׃
וּכְעַן אִם כְּעַן אַשְׁכַּחִית רַחֲמִין קֳדָמָךְ אוֹדַעְנִי כְעַן יָת אוֹרַח טוּבָךְ וְאֶדַּע רַחֲמָךְ בְּדִיל דְּאַשְׁכַּח רַחֲמִין קֳדָמָךְ
וּגְלֵי קֳדָמָךְ אֲרֵי עַמָּךְ עַמָּא הָדֵין׃
לג,ידוַיֹּאמַ֑ר
פָּנַ֥י יֵלֵ֖כוּ וַהֲנִחֹ֥תִי לָֽךְ׃
וַאֲמַר
שְׁכִינְתִי תְּהָךְ וַאֲנִיחַ לָךְ׃
לג,טווַיֹּ֖אמֶר אֵלָ֑יו
אִם־אֵ֤ין פָּנֶ֙יךָ֙ הֹלְכִ֔ים אַֽל־תַּעֲלֵ֖נוּ מִזֶּֽה׃
וַאֲמַר קֳדָמוֹהִי
אִם לֵית שְׁכִינְתָךְ מְהַלְּכָא בֵּינַנָא לָא תַסְּקִנַּנָא מִכָּא׃
לג,טזוּבַמֶּ֣ה׀ יִוָּדַ֣ע אֵפ֗וֹא כִּֽי־מָצָ֨אתִי חֵ֤ן בְּעֵינֶ֙יךָ֙ אֲנִ֣י וְעַמֶּ֔ךָ הֲל֖וֹא בְּלֶכְתְּךָ֣ עִמָּ֑נוּ
וְנִפְלִ֙ינוּ֙ אֲנִ֣י וְעַמְּךָ֔ מִכׇּ֨ל־הָעָ֔ם אֲשֶׁ֖ר עַל־פְּנֵ֥י הָאֲדָמָֽה׃ {פ}
וּבְמָא יִתְיְדַע הָכָא אֲרֵי אַשְׁכַּחִית רַחֲמִין קֳדָמָךְ אֲנָא וְעַמָּךְ הֲלָא בִּמְהָךְ שְׁכִינְתָךְ עִמַּנָא
וְיִתְעַבְדָן לַנָא פְרִישָׁן לִי וּלְעַמָּךְ מְשׁוּנַּי מִכָּל עַמָּא דְּעַל אַפֵּי אַרְעָא׃
לג,יזוַיֹּ֤אמֶר יְהֹוָה֙ אֶל־מֹשֶׁ֔ה גַּ֣ם אֶת־הַדָּבָ֥ר הַזֶּ֛ה אֲשֶׁ֥ר דִּבַּ֖רְתָּ אֶֽעֱשֶׂ֑ה
כִּֽי־מָצָ֤אתָ חֵן֙ בְּעֵינַ֔י וָאֵדָעֲךָ֖ בְּשֵֽׁם׃
וַאֲמַר יְיָ לְמֹשֶׁה אַף יָת פִּתְגָמָא הָדֵין דְּמַלֵּילְתָּא אַעֲבֵיד
אֲרֵי אַשְׁכַּחְתָּא רַחֲמִין קֳדָמַי וְרַבִּיתָךְ בְּשׁוֹם׃
לג,יחוַיֹּאמַ֑ר
הַרְאֵ֥נִי נָ֖א אֶת־כְּבֹדֶֽךָ׃
וַאֲמַר
אַחְזִינִי כְעַן יָת יְקָרָךְ׃
לג,יטוַיֹּ֗אמֶר אֲנִ֨י אַעֲבִ֤יר כׇּל־טוּבִי֙ עַל־פָּנֶ֔יךָ וְקָרָ֧אתִֽי בְשֵׁ֛ם יְהֹוָ֖ה לְפָנֶ֑יךָ
וְחַנֹּתִי֙ אֶת־אֲשֶׁ֣ר אָחֹ֔ן וְרִחַמְתִּ֖י אֶת־אֲשֶׁ֥ר אֲרַחֵֽם׃
וַאֲמַר אֲנָא אַעְבַּר כָּל טוּבִי עַל אַפָּךְ וְאֶקְרֵי בִשְׁמָא דַּייָ קֳדָמָךְ
וַאֲחוּן לְמַן דַּאֲחוּן וַאֲרַחֵים עַל מַן דַּאֲרַחֵים׃
לג,כוַיֹּ֕אמֶר לֹ֥א תוּכַ֖ל לִרְאֹ֣ת אֶת־פָּנָ֑י
כִּ֛י לֹֽא־יִרְאַ֥נִי הָאָדָ֖ם וָחָֽי׃
וַאֲמַר לָא תִכּוֹל לְמִחְזֵי יָת אַפֵּי שְׁכִינְתִי
אֲרֵי לָא יִחְזֵינַנִי אֲנָשָׁא וְיִתְקַיַּים׃
לג,כאוַיֹּ֣אמֶר יְהֹוָ֔ה הִנֵּ֥ה מָק֖וֹם אִתִּ֑י
וְנִצַּבְתָּ֖ עַל־הַצּֽוּר׃
וַאֲמַר יְיָ הָא אֲתַר מְתוּקַּן קֳדָמָי
וְתִתְעַתַּד עַל טִנָּרָא׃
לג,כבוְהָיָה֙ בַּעֲבֹ֣ר כְּבֹדִ֔י וְשַׂמְתִּ֖יךָ בְּנִקְרַ֣ת הַצּ֑וּר
וְשַׂכֹּתִ֥י כַפִּ֛י עָלֶ֖יךָ עַד־עׇבְרִֽי׃
וִיהֵי בְמִעְבַּר יְקָרִי וַאֲשַׁוֵּינָךְ בִּמְעָרַת טִנָּרָא
וְאַגֵּין בְּמֵימְרִי עֲלָךְ עַד דְּאֶעְבַּר׃
לג,כגוַהֲסִרֹתִי֙ אֶת־כַּפִּ֔י וְרָאִ֖יתָ אֶת־אֲחֹרָ֑י
וּפָנַ֖י לֹ֥א יֵרָאֽוּ׃ {פ}
וְאֶעְדֵּי יָת דִּבְרַת יְקָרִי וְתִחְזֵי יָת דְּבָתְרָי
וְדִקְדָמַי לָא יִתַּחְזוֹן׃

קריאת הנביא

ש"ב כב, י-נא

להוריד
כב,יוַיֵּ֥ט שָׁמַ֖יִם וַיֵּרַ֑ד
וַעֲרָפֶ֖ל תַּ֥חַת רַגְלָֽיו׃
וְאַרכֵּין שְׁמַיָא וְאִתגְּלִי יְקָרֵיהּ
וַעֲנַן אֲמִטְתָא כֵּיבַשׁ קֳדָמוֹהִי:
כב,יאוַיִּרְכַּ֥ב עַל־כְּר֖וּב וַיָּעֹ֑ף
וַיֵּרָ֖א עַל־כַּנְפֵי־רֽוּחַ׃
וְאִתגְּלִי בִגבוּרְתֵיהּ עַל כְּרוּבִין קַלִילִין
וְדַבַּר בִּתקוֹף עַל כַּנפֵי רוּחָא:
כב,יבוַיָּ֥שֶׁת חֹ֛שֶׁךְ סְבִיבֹתָ֖יו סֻכּ֑וֹת
חַֽשְׁרַת־מַ֖יִם עָבֵ֥י שְׁחָקִֽים׃
אַשׁרִי שְׁכִינְתֵיהּ בְּעַרפִּילָא עֲנַן יְקָר סְחוֹר סְחוֹר לֵיהּ
מַחֵית מַיִן תַּקִיפִין מֵרִכפַת עֲנָנִין קַלִילִין בְּרוּם עָלְמָא:
כב,יגמִנֹּ֖גַהּ נֶגְדּ֑וֹ
בָּעֲר֖וּ גַּחֲלֵי־אֵֽשׁ׃
מִזִיו יְקָרֵיהּ מַבהֲקִין שְׁמֵי שְׁמַיָא מַזוֹפִיתֵיהּ
כְּגומרִין דְּנוּר דָּלְקָא מִמֵימְרֵיהּ:
כב,ידיַרְעֵ֥ם מִן־שָׁמַ֖יִם יְהֹוָ֑ה
וְעֶלְי֖וֹן יִתֵּ֥ן קוֹלֽוֹ׃
אַכלִי מִן שְׁמַיָא יְיָ
וְעִלָאָה אֲרִים מֵימְרֵיהּ:
כב,טווַיִּשְׁלַ֥ח חִצִּ֖ים וַיְפִיצֵ֑ם
בָּרָ֖ק וַיָּהֹֽם (ויהמם)׃
וּשׁלַח מַחָתֵיהּ כְּגִרִין וּבַדַּרִינוּן
בַּרקִין וְשַׁגֵּישִׁנוּן:
כב,טזוַיֵּֽרָאוּ֙ אֲפִ֣קֵי יָ֔ם יִגָּל֖וּ מֹסְד֣וֹת תֵּבֵ֑ל
בְּגַעֲרַ֣ת יְהֹוָ֔ה מִנִּשְׁמַ֖ת ר֥וּחַ אַפּֽוֹ׃
וְאִתַּחזִיאוּ עֻמקֵי יַמָא אִתַּגלִיאוּ שַׁכלוּלֵי תֵבֵל
בְּמַזוֹפִיתָא מִן קֳדָם יְיָ מִמֵימַר תְּקוֹף רֻגזֵיהּ:
כב,יזיִשְׁלַ֥ח מִמָּר֖וֹם יִקָּחֵ֑נִי
יַֽמְשֵׁ֖נִי מִמַּ֥יִם רַבִּֽים׃
שְׁלַח נְבִיוֹהִי מֶלֶך תַּקִיף דְּיָתֵיב בִּתקוֹף רוּמָא
דַּברַנִי שֵׁיזְבַנִי מֵעַמְמִין סַגִּיאִין:
כב,יחיַצִּילֵ֕נִי מֵאֹיְבִ֖י עָ֑ז
מִשֹּׂ֣נְאַ֔י כִּ֥י אָמְצ֖וּ מִמֶּֽנִּי׃
שֵׁיזְבַנִי מִסָנְאַי אֲרֵי תַקפוּנִי
מִבַּעֲלֵי דְבָבַי אֲרֵי אִתגַּבַּרוּ עֲלָי:
כב,יטיְקַדְּמֻ֖נִי בְּי֣וֹם אֵידִ֑י
וַיְהִ֧י יְהֹוָ֛ה מִשְׁעָ֖ן לִֽי׃
יְקַדְּמוּנִי בְּיוֹם טִלטוּלִי
וַהֲוָה מֵימְרָא דַייָ סְמָך לִי:
כב,כוַיֹּצֵ֥א לַמֶּרְחָ֖ב אֹתִ֑י
יְחַלְּצֵ֖נִי כִּי־חָ֥פֵֽץ בִּֽי׃
וְאַפֵּיק לְרַוחָא יָתִי
שֵׁיזְבַנִי אֲרֵי אִתרְעִי בִי:
כב,כאיִגְמְלֵ֥נִי יְהֹוָ֖ה כְּצִדְקָתִ֑י
כְּבֹ֥ר יָדַ֖י יָשִׁ֥יב לִֽי׃
אֲמַר דָּוִיד יְשַׁלְמִינַנִי יְיָ כְּזָכוּתִי
כְּבָרִירוּת יְדַי יָתִיב לִי:
כב,כבכִּ֥י שָׁמַ֖רְתִּי דַּרְכֵ֣י יְהֹוָ֑ה
וְלֹ֥א רָשַׁ֖עְתִּי מֵאֱלֹהָֽי׃
אֲרֵי נְטַרִית אוֹרחָן דְּתָקְנָן קֳדָם יְיָ
וְלָא הַלֵיכִית בִּרשַׁע קֳדָם אֱלָהִי:
כב,כגכִּ֥י כׇל־מִשְׁפָּטָ֖ו לְנֶגְדִּ֑י
וְחֻקֹּתָ֖יו לֹא־אָס֥וּר מִמֶּֽנָּה׃
אֲרֵי כָל דִּינוֹהִי גְּלַן לְקִבלִי לְמֶעֱבַדהוֹן
וּקיָמוֹהִי לָא עֲדִית מִנְהוֹן:
כב,כדוָאֶהְיֶ֥ה תָמִ֖ים ל֑וֹ
וָאֶשְׁתַּמְּרָ֖ה מֵעֲוֺנִֽי׃
וַהֲוֵית שְׁלִים בְּדַחלְתֵיהּ
וַהֲוֵית נָטַר נַפשִׁי מֵחוֹבִין:
כב,כהוַיָּ֧שֶׁב יְהֹוָ֛ה לִ֖י כְּצִדְקָתִ֑י
כְּבֹרִ֖י לְנֶ֥גֶד עֵינָֽיו׃
וַאֲתֵיב יְיָ לִי כְּזָכוּתִי
כְּבָרִירוּתִי קֳדָם מֵימְרֵיהּ:
כב,כועִם־חָסִ֖יד תִּתְחַסָּ֑ד
עִם־גִּבּ֥וֹר תָּמִ֖ים תִּתַּמָּֽם׃
אַברָהָם דְּאִשׁתְּכַח חַסִיד קֳדָמָך בְּכֵין אַסגִּיתָא לְמֶעֱבַד חִסדָּא עִם זַרעֵיהּ
יִצחָק דַּהֲוָה שְׁלִים בְּדַחלְתָך בְּכֵין אַשׁלֵימתָּא מֵימַר רְעוּתָך עִמֵיהּ:
כב,כזעִם־נָבָ֖ר תִּתָּבָ֑ר
וְעִם־עִקֵּ֖שׁ תִּתַּפָּֽל׃
יַעֲקֹב דְּהַלֵיך בְּבָרִירוּתָא קֳדָמָך בְּחַרתָּא בְּנוֹהִי מִכָּל עַמְמַיָא אַפרֵישׁתָּא זַרעֵיהּ מִכָּל פְּסוֹלָא
פַּרעֹה וּמִצרָאֵי דְּחַשִׁיבוּ מַחשְׁבָן עַל עַמָך בַּלבֵּילתָּנוּן כְּמַחשְׁבָתְהוֹן:
כב,כחוְאֶת־עַ֥ם עָנִ֖י תּוֹשִׁ֑יעַ
וְעֵינֶ֥יךָ עַל־רָמִ֖ים תַּשְׁפִּֽיל׃
וְיָת עַמָא בֵּית יִשׂרָאֵל דְּמִתקְרַן בְּעָלְמָא הָדֵין עַם חַשִׁיך אַתּ עֲתִיד לְמִפרַק
וּבמֵימְרָך תַּקִיפַיָא דְּמִתגַּבְּרִין עֲלֵיהוֹן תַּמאִיך:
כב,כטכִּֽי־אַתָּ֥ה נֵירִ֖י יְהֹוָ֑ה
וַיהֹוָ֖ה יַגִּ֥יהַּ חׇשְׁכִּֽי׃
אֲרֵי אַתּ הוּא מָרֵיהּ נְהוֹרֵיהּ דְּיִשׂרָאֵל יְיָ
וַייָ יַפְּקִנַנִי מֵחֲשׁוֹכָא לִנהוֹרָא וְיַחזֵינַנִי בְּעָלְמָא דַּעֲתִיד לְמֵיתֵי לְצַדִּיקַיָא:
כב,לכִּ֥י בְכָ֖ה אָר֣וּץ גְּד֑וּד
בֵּאלֹהַ֖י אֲדַלֶּג־שֽׁוּר׃
אֲרֵי בְמֵימְרָך אַסגִּי מַשׁרְיָן
בְּמֵימַר אֱלָהִי אֲכַבֵּישׁ כָּל כַּרכִין תַּקִיפִין:
כב,לאהָאֵ֖ל תָּמִ֣ים דַּרְכּ֑וֹ
אִמְרַ֤ת יְהֹוָה֙ צְרוּפָ֔ה מָגֵ֣ן ה֔וּא לְכֹ֖ל הַחֹסִ֥ים בּֽוֹ׃
אֱלָהָא דְּכֵיוָנָא אוֹרחֵיהּ אוֹרָיתָא דַייָ בְּחִירָא הִיא
תְּקוֹף הוּא לְכָל דְּמִתרַחצִין עַל מֵימְרֵיהּ:
כב,לבכִּ֥י מִי־אֵ֖ל מִבַּלְעֲדֵ֣י יְהֹוָ֑ה
וּמִ֥י צ֖וּר מִֽבַּלְעֲדֵ֥י אֱלֹהֵֽינוּ׃
בְּכֵין עַל נִסָא וּפֻרקָנָא דְתַעֲבֵיד לִמשִׁיחָך וְלִשׁאָרָא דְעַמָך דְּיִשׁתַּאֲרוּן יוֹדוֹן כָּל עַמְמַיָא אוּמַיָא וְלִישָׁנַיָא וְיֵימְרוּן לֵית אֱלָהּ אֵלָא יְיָ
אֲרֵי לֵית בָּר מִנָך וְעַמָך יֵימְרוּן לֵית דְּתַקִיף אֵלָא אֱלָהַנָא:
כב,לגהָאֵ֥ל מָעוּזִּ֖י חָ֑יִל
וַיַּתֵּ֥ר תָּמִ֖ים דַּרְכִּֽי (דרכו)׃
אֱלָהָא דְסָעֵיד לִי בְּחֵילָא
וּמתַקֵין שְׁלִים אוֹרחִי:
כב,לדמְשַׁוֶּ֥ה רַגְלַ֖י (רגליו) כָּאַיָּל֑וֹת
וְעַ֥ל בָּמֹתַ֖י יַעֲמִדֵֽנִי׃
מְשַׁוֵי רַגלַי קַלִילִין כְּאַיָלָתָא
וְעַל בֵּית תֻּקפִי יְקִימִנַנִי:
כב,להמְלַמֵּ֥ד יָדַ֖י לַמִּלְחָמָ֑ה
וְנִחַ֥ת קֶשֶׁת־נְחוּשָׁ֖ה זְרֹעֹתָֽי׃
מַלֵיף יְדַי לְמֶעֱבַד קְרָבָא
וּמתַקֵיף כְּקֶשֶׁת נְחָשָׁא דְּרָעָי:
כב,לווַתִּתֶּן־לִ֖י מָגֵ֣ן יִשְׁעֶ֑ךָ
וַעֲנֹתְךָ֖ תַּרְבֵּֽנִי׃
וִיהַבתּ לִי תְּקוֹף פְּרַקתַּנִי
וּבמֵימְרָך אַסגִּיתַנִי:
כב,לזתַּרְחִ֥יב צַעֲדִ֖י תַּחְתֵּ֑נִי
וְלֹ֥א מָעֲד֖וּ קַרְסֻלָּֽי׃
אַסגִּיתָא פִסעֲתִי קֳדָמַי
וְלָא אִזדַּעזַעָא רְכוּבָּתִי:
כב,לחאֶרְדְּפָ֥ה אֹיְבַ֖י וָאַשְׁמִידֵ֑ם
וְלֹ֥א אָשׁ֖וּב עַד־כַּלּוֹתָֽם׃
רְדַפִית סָנְאַי וְשֵׁצֵתִנוּן
וְלָא תַבִית עַד דְּגַמַרתִּנוּן:
כב,לטוָאֲכַלֵּ֥ם וָאֶמְחָצֵ֖ם וְלֹ֣א יְקוּמ֑וּן
וַֽיִּפְּל֖וּ תַּ֥חַת רַגְלָֽי׃
וְשֵׁיצֵיתִנוּן וְגַמַרתִּנוּן וְלָא יְכִילוּ לִמקָם
וּנפַלוּ קְטִילִין תְּחוֹת פַּרסַת רַגלָי:
כב,מוַתַּזְרֵ֥נִי חַ֖יִל לַמִּלְחָמָ֑ה
תַּכְרִ֥יעַ קָמַ֖י תַּחְתֵּֽנִי׃
וּסעַדתַּנִי בְחֵילָא לְמֶעֱבַד קְרָבָא
תַּבַּרתָּא עַמְמַיָא דְקָיְמִין לְאַבאָשָׁא לִי תְּחוֹתָי:
כב,מאוְאֹ֣יְבַ֔י תַּ֥תָּה לִּ֖י עֹ֑רֶף
מְשַׂנְאַ֖י וָאַצְמִיתֵֽם׃
וּסָנְאַי תַּבַּרתָּא קֳדָמַי מַחזְרֵי קְדָל
בַּעֲלֵי דְבָבַי וְשֵׁצֵתִנוּן:
כב,מביִשְׁע֖וּ וְאֵ֣ין מֹשִׁ֑יעַ
אֶל־יְהֹוָ֖ה וְלֹ֥א עָנָֽם׃
בָּעַן סְעֵיד וְלֵית לְהוֹן פָּרִיק
וּמצַלַן קֳדָם יְיָ וְלָא מִתקַבְּלָא צְלוֹתְהוֹן:
כב,מגוְאֶשְׁחָקֵ֖ם כַּעֲפַר־אָ֑רֶץ
כְּטִיט־חוּצ֥וֹת אֲדִקֵּ֖ם אֶרְקָעֵֽם׃
וְדוֹשֵׁשׁתִּנוּן כְּעַפרָא דְאַרעָא
כִּסיָן שׁוּקִין בְּעַטִית בְּהוֹן רְפַסתִּנוּן:
כב,מדוַֽתְּפַלְּטֵ֔נִי מֵרִיבֵ֖י עַמִּ֑י
תִּשְׁמְרֵ֙נִי֙ לְרֹ֣אשׁ גּוֹיִ֔ם עַ֥ם לֹא־יָדַ֖עְתִּי יַעַבְדֻֽנִי׃
וּתשֵׁיזְבִנַנִי מִפְּלוּגַּת עַמָא תְּמַנֵינִי רֵישָׁא לְעַמְמַיָא
עַם דְּלָא יְדַעִית יִפלְחוּנַנִי:
כב,מהבְּנֵ֥י נֵכָ֖ר יִתְכַּחֲשׁוּ־לִ֑י
לִשְׁמ֥וֹעַ אֹ֖זֶן יִשָּׁ֥מְעוּ לִֽי׃
בְּנֵי עַמְמַיָא יִתכַּדְּבוּן לִי
לְשֵׁימַע אוֹדַן יִשׁתַּמעוּן לִי:
כב,מובְּנֵ֥י נֵכָ֖ר יִבֹּ֑לוּ
וְיַחְגְּר֖וּ מִמִּסְגְּרוֹתָֽם׃
בְּנֵי עַמְמַיָא יְסוּפוּן
וִיזוּעוּן מִבִּירָניָתְהוֹן:
כב,מזחַי־יְהֹוָ֖ה וּבָר֣וּךְ צוּרִ֑י
וְיָרֻ֕ם אֱלֹהֵ֖י צ֥וּר יִשְׁעִֽי׃
בְּכֵין עַל נִסָא וּפֻרקָנָא דַעֲבַדתָּא לְעַמָך אוֹדִיוּ וַאֲמַרוּ קַיָים הוּא יְיָ וּברִיך תַּקִיפָא
דְּמִן קֳדָמוֹהִי מִתיְהֵיב לַנָא תְּקוֹף וּפֻרקָן וּמרָמַם אֱלָהּ תְּקוֹף פֻּרקָנַנָא:
כב,מחהָאֵ֕ל הַנֹּתֵ֥ן נְקָמֹ֖ת לִ֑י
וּמֹרִ֥יד עַמִּ֖ים תַּחְתֵּֽנִי׃
אֱלָהָא דְּעָבֵיד פּוֹרעָנוּתָא לִי
וְתָבַר עַמְמַיָא דְקָיְמִין לְאַבאָשָׁא לִי תְּחוֹתָי:
כב,מטוּמוֹצִיאִ֖י מֵאֹֽיְבָ֑י
וּמִקָּמַי֙ תְּר֣וֹמְמֵ֔נִי מֵאִ֥ישׁ חֲמָסִ֖ים תַּצִּילֵֽנִי׃
וּפָרְקִי מִסָנְאַי וְעַל דְּקָיְמִין לְאַבאָשָׁא לִי תְּגַבְּרִנַנִי
מִגּוֹג וּמַשׁרְיָת עַמְמִין חָטוֹפִין דְּעִמֵיהּ תְּשֵׁיזְבִנַנִי:
כב,נעַל־כֵּ֛ן אוֹדְךָ֥ יְהֹוָ֖ה בַּגּוֹיִ֑ם
וּלְשִׁמְךָ֖ אֲזַמֵּֽר׃
עַל כֵּין אוֹדֵי קֳדָמָך יְיָ בְּעַמְמַיָא
וְלִשׁמָך אֵימַר תֻּשׁבְּחָא:
כב,נאמִגְדּ֖וֹל (מגדיל) יְשׁוּע֣וֹת מַלְכּ֑וֹ
וְעֹֽשֶׂה־חֶ֧סֶד לִמְשִׁיח֛וֹ לְדָוִ֥ד וּלְזַרְע֖וֹ עַד־עוֹלָֽם׃ {פ}
מַסגֵּי לְמֶעֱבַד פֻּרקָן עִם מַלכֵּיהּ
וְעָבֵיד טֵיבוּ לִמשִׁיחֵיהּ לְדָוִיד וּלזַרעֵיהּ עַד עָלְמָא: